© Sputnik / Abzal Kaliev
QR AShM Fitosanitariia bas direktory laýazymdyq ókiletin asyra paidalandy degen kúdikke ilindi, - dep habarlaidy "Ult aqparat" Anikor baspasóz qyzmetine silteme jasap.
Almaty qalasy boiynsha Sybailas jemqorlyqqa qarsy qyzmet QR Aýyl sharýashylyǵy ministrligi Agroónerkásiptik keshendegi memlekettik inspektsiia komitetiniń "Fitosanitariia" ShJQ RMK bas direktoryna qatysty sotaldy tergeýdi júrgizip jatyr.
Belgilengen tyiymǵa qaramastan kásipkerlik qyzmetpen ainalysatyn uiym quryp jáne ony basqarǵan laýazymdy tulǵa 2022 jylǵy maýsymnan bastap qazirgi ýaqytqa deiin «Fitosanitariia» ShJQ RMK Almaty oblystyq filialynyń úi-jaiyn tegin usynyp kelgen.
"Kúdiktiniń memleketke jasaǵan is-áreketinen keltirilgen zalal quny 7,4 mln teńgeni qurady.
Sotqa deiingi tergeý jalǵasyp jatyr.
Qylmystyq-protsestik kodeksiniń 201-babyna sáikes tergeý múddesi úshin ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi" - delingen agenttik habarlamasynda.
