Sybailas jemqorlyqqa qarsy qyzmettiń basshysy Marat Ahmetjanov Sybailas jemqorlyqqa qarsy is-qimyl máseleleri jónindegi V respýblikalyq kásipkerler forýmynda vedomstvo qurylymynyń ózgerýine qatysty túsinikteme berdi, dep habarlaidy "Ult aqparat".
Sybailas jemqorlyqqa qarsy is-qimyl agenttiginiń tóraǵasy zań boiynsha agenttikke preventsiia, anyqtaý jáne tergeýdiń úsh negizgi fýnktsiiasy júktelgenin atap ótti.
«Biz osy úsh bloktyń ózara sapaly is – qimylyn qamtamasyz etýimiz kerek, biraq eń bastysy – preventsiia», - dep atap ótti Ahmetjanov.
Onyń aitýynsha, agenttik jumysynyń jalpy qorytyndysy parasattylyq mádenietin qalyptastyrý bolýy tiis.
Sondai-aq, Ahmetjanov agenttik úilestirý boiynsha óz qyzmetin belsendi paidalanatynyn atap ótti. Onyń pikirinshe, dál osy fýnktsiia Sybailas jemqorlyqqa qarsy qyzmetti tek quqyq qorǵaý ǵana emes, sybailas jemqorlyqqa qarsy is-qimyl salasyndaǵy ýákiletti organ etedi.
Onyń aitýynsha, sybailas jemqorlyqty joiý boiynsha tiisti sharalar qabyldamaǵandardan suranysty qatańdatý josparlanýda. Ótken jyldyń qorytyndylary sybailas jemqorlyq táýekelderiniń 90% Antikordyń syrtqy taldaýymen anyqtalatynyn kórsetti.
«Osyndai tetikterdiń biri qazirgi ýaqytta Bas prokýratýramen birlesip ázirlenip jatqan sybailas jemqorlyqty baǵalaý júiesi bolady. Bul sybailas jemqorlyqqa qarsy is – qimyl boiynsha ákimder men ministrler qyzmetiniń tiimdiligin baǵalaityn parametr bolady», - dep atap ótti spiker.
QR Sybailas jemqorlyqqa qarsy is-qimyl agenttigi memlekettik josparlaý jáne Memlekettik satyp alý portaldaryn biriktirýdi, sondai-aq biýdjettik ótinimderdi jariia ornalastyrýdy usyndy.
Antikor basshysy jekelegen keń taralǵan jáne birtekti taýarlar úshin biryńǵai erekshelikter men baǵalardy belgileý qajettigin atap ótti.
«Iri nysandardy salý kezinde damyǵan elderdegidei jobalyq josparlaýǵa kóshý kerek. Sondai-aq biýdjet qarajatyn bólýden bastap igerýge deiin súiemeldeýdi engizgen jón. Memlekettik qarjymen jumys istegiń kelse – ashyqtyqqa daiyn bol», – dep atap ótti Ahmetjanov.
Sybailas jemqorlyqqa qarsy qyzmettiń basshysy «Atameken» UKP-men birlesip josparlanyp otyrǵan Agroónerkásiptik keshendegi sýbsidiialar men dotatsiialar berý salasyndaǵy táýekel aimaqtaryna taldaý júrgizý týraly aityp berdi.
Onyń aitýynsha, bul jaqynda qabyldanǵan aýyl ákimderin sailaý týraly Zańǵa bailanysty.
«5 jyl ishinde sýbsidiialaýǵa 1 trln. teńgeden astam qarajat bólindi. Aýyl sharýashylyǵy boiynsha qozǵalǵan qylmystyq isterdiń jartysynan kóbi (54%) – sýbsidiia urlaý», - dep atap ótti Antikor basshysy.
