سىبايلاس جەمقورلىققا قارسى قىزمەتتٸڭ باسشىسى مارات احمەتجانوۆ سىبايلاس جەمقورلىققا قارسى ٸس-قيمىل مەسەلەلەرٸ جٶنٸندەگٸ V رەسپۋبليكالىق كەسٸپكەرلەر فورۋمىندا ۆەدومستۆو قۇرىلىمىنىڭ ٶزگەرۋٸنە قاتىستى تٷسٸنٸكتەمە بەردٸ, دەپ حابارلايدى "ۇلت اقپارات".
سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى زاڭ بويىنشا اگەنتتٸككە پرەۆەنتسييا, انىقتاۋ جەنە تەرگەۋدٸڭ ٷش نەگٸزگٸ فۋنكتسيياسى جٷكتەلگەنٸن اتاپ ٶتتٸ.
«بٸز وسى ٷش بلوكتىڭ ٶزارا ساپالى ٸس – قيمىلىن قامتاماسىز ەتۋٸمٸز كەرەك, بٸراق ەڭ باستىسى – پرەۆەنتسييا», - دەپ اتاپ ٶتتٸ احمەتجانوۆ.
ونىڭ ايتۋىنشا, اگەنتتٸك جۇمىسىنىڭ جالپى قورىتىندىسى پاراساتتىلىق مەدەنيەتٸن قالىپتاستىرۋ بولۋى تيٸس.
سونداي-اق, احمەتجانوۆ اگەنتتٸك ٷيلەستٸرۋ بويىنشا ٶز قىزمەتٸن بەلسەندٸ پايدالاناتىنىن اتاپ ٶتتٸ. ونىڭ پٸكٸرٸنشە, دەل وسى فۋنكتسييا سىبايلاس جەمقورلىققا قارسى قىزمەتتٸ تەك قۇقىق قورعاۋ عانا ەمەس, سىبايلاس جەمقورلىققا قارسى ٸس-قيمىل سالاسىنداعى ۋەكٸلەتتٸ ورگان ەتەدٸ.
ونىڭ ايتۋىنشا, سىبايلاس جەمقورلىقتى جويۋ بويىنشا تيٸستٸ شارالار قابىلداماعانداردان سۇرانىستى قاتاڭداتۋ جوسپارلانۋدا. ٶتكەن جىلدىڭ قورىتىندىلارى سىبايلاس جەمقورلىق تەۋەكەلدەرٸنٸڭ 90% انتيكوردىڭ سىرتقى تالداۋىمەن انىقتالاتىنىن كٶرسەتتٸ.
«وسىنداي تەتٸكتەردٸڭ بٸرٸ قازٸرگٸ ۋاقىتتا باس پروكۋراتۋرامەن بٸرلەسٸپ ەزٸرلەنٸپ جاتقان سىبايلاس جەمقورلىقتى باعالاۋ جٷيەسٸ بولادى. بۇل سىبايلاس جەمقورلىققا قارسى ٸس – قيمىل بويىنشا ەكٸمدەر مەن مينيسترلەر قىزمەتٸنٸڭ تيٸمدٸلٸگٸن باعالايتىن پارامەتر بولادى», - دەپ اتاپ ٶتتٸ سپيكەر.
قر سىبايلاس جەمقورلىققا قارسى ٸس-قيمىل اگەنتتٸگٸ مەملەكەتتٸك جوسپارلاۋ جەنە مەملەكەتتٸك ساتىپ الۋ پورتالدارىن بٸرٸكتٸرۋدٸ, سونداي-اق بيۋدجەتتٸك ٶتٸنٸمدەردٸ جارييا ورنالاستىرۋدى ۇسىندى.
انتيكور باسشىسى جەكەلەگەن كەڭ تارالعان جەنە بٸرتەكتٸ تاۋارلار ٷشٸن بٸرىڭعاي ەرەكشەلٸكتەر مەن باعالاردى بەلگٸلەۋ قاجەتتٸگٸن اتاپ ٶتتٸ.
«ٸرٸ نىسانداردى سالۋ كەزٸندە دامىعان ەلدەردەگٸدەي جوبالىق جوسپارلاۋعا كٶشۋ كەرەك. سونداي-اق بيۋدجەت قاراجاتىن بٶلۋدەن باستاپ يگەرۋگە دەيٸن سٷيەمەلدەۋدٸ ەنگٸزگەن جٶن. مەملەكەتتٸك قارجىمەن جۇمىس ٸستەگٸڭ كەلسە – اشىقتىققا دايىن بول», – دەپ اتاپ ٶتتٸ احمەتجانوۆ.
سىبايلاس جەمقورلىققا قارسى قىزمەتتٸڭ باسشىسى «اتامەكەن» ۇكپ-مەن بٸرلەسٸپ جوسپارلانىپ وتىرعان اگروٶنەركەسٸپتٸك كەشەندەگٸ سۋبسيدييالار مەن دوتاتسييالار بەرۋ سالاسىنداعى تەۋەكەل ايماقتارىنا تالداۋ جٷرگٸزۋ تۋرالى ايتىپ بەردٸ.
ونىڭ ايتۋىنشا, بۇل جاقىندا قابىلدانعان اۋىل ەكٸمدەرٸن سايلاۋ تۋرالى زاڭعا بايلانىستى.
«5 جىل ٸشٸندە سۋبسيدييالاۋعا 1 ترلن. تەڭگەدەن استام قاراجات بٶلٸندٸ. اۋىل شارۋاشىلىعى بويىنشا قوزعالعان قىلمىستىق ٸستەردٸڭ جارتىسىنان كٶبٸ (54%) – سۋبسيدييا ۇرلاۋ», - دەپ اتاپ ٶتتٸ انتيكور باسشىسى.
