© Photo: video alynǵan skrin
Sybailas jemoqorlyqqa qarsy is-qimyl agenttigi eks-ministr, Ulttyq mýzeidiń burynǵy basshysy Arystanbek Muhamediulyna qatysty is boiynsha jala jabý faktisimen sotqa deiingi tergeý bastaýy múmkin, dep habarlaidy "Ult aqparat" Antikor baspasóz qyzmeti taratqan aqparatqa silteme jasap.
"Keibir buqaralyq aqparat quraldarynda, áleýmettik jelilerde jáne messendjerlerde burynǵy mádeniet jáne sport ministri A.Muhamediulyna qatysty sot protsesinen Sybailas jemqorlyqqa qarsy qyzmet qyzmetkerlerin «Diplomat» qonaq úiin úshinshi tulǵalarǵa qaita jazýǵa jáne 111 mln teńge somasynda zalaldy óteýge májbúrleý týraly aqparat pen beinerolik taratyldy. Bul aqparat shyndyqqa sáikes kelmeitinin habarlaimyz.
Muhamediulyna 221 mln teńge jymqyrdy degen aiyp taǵylyp, onyń qatysy jinalǵan dáleldemelermen rastalyp, is-áreketterdiń biliktiligi prokýratýra organdarymen kelisildi. Onyń áreketterine qorytyndy baǵany sot beredi" - delingen habarlamada.
Sonymen qatar, tergeý barysynda jaýapkershilikti jeńildetý maqsatynda keltirilgen zalal ishinara ótelip, 111 mln teńge memleket kirisine aýdarylǵan.
"Oǵan qosa, qazirgi tańda «Diplomat» qonaq úiin reiderlik jolmen tartyp aldy degen kúdikke ilingen Muhamediulynyń ózine qatysty qosymsha epizod boiynsha tergeý aiaqtaldy. Osyǵan bailanysty Muhamediuly atalǵan mán-jailar boiynsha sot pen jurtshylyqty adastyrý jolymen jaýapkershilikten jaltarý maqsatynda jalǵan aqparat bergen.
Jala jabý faktisi boiynsha sotqa deiingi tergeýdi bastaý týraly másele sheshilip jatyr. Azamattardan tek resmi kózderden alynǵan obektivti derekterge senýdi suraimyz" - delingen agenttik habarlamasynda.
