Foto: Pexels
Sybailas jemqorlyqqa qarsy is-qimyl agenttigi Almaty qalasy tótenshe jaǵdailar departamentiniń burynǵy basshysyn aqtaǵan sot sheshimine qarsy talap aryz beredi. Bul jaiynda vedomstvonyń resmi ókili Arman Tileýkenov brifingide aitty, - dep habarlaidy Kazinform agenttigi.
«Rýslan Qasybaevty sybailas jemqorlyqqa qarsy qyzmet Qylmystyq kodekstiń 366-baby 3-bóligi (qyzmet babyn asyra paidalaný) boiynsha is qozǵap, aiyptaǵan bolatyn. Biraq sot ony aqtap shyǵardy. Biz bul ustanymmen kelispeimiz», - dedi ol.
Arman Tileýkenov Bas prokýratýra da bul is boiynsha qarsy ýáj ázirlep jatqanyn aitty.
Buǵan deiin atalmysh tulǵa órt sóndirý bólimin tehnikalyq qadaǵalaý qujattarynsyz qoldanysqa qabyldaǵany úshin jaýapqa tartylǵan bolatyn.
