kollaj: Halyq Uni
Sybailas jemqorlyqqa qarsy is-qimyl agenttigi «Atameken» UKP eks-tóraǵasy Abylai Myrzahmetov isine qatysty mán-jaidy aitty, - dep habarlaidy "Ult aqparat".
Vedomstvo baspasóz qyzmetiniń málimetinshe, 10 mamyrda Antikorrýptsiialyq qyzmet «Atameken» Qazaqstan Respýblikasy Ulttyq kásipkerler palatasy Basqarmasynyń eks-tóraǵasy Abylai Myrzahmetovti ustaǵan.
Ol alaiaqtyq jasady jáne kásipkerdi týysyn qylmystyq jaýapkershilikten bosatýǵa kómekteskeni úshin asa iri mólsherde para berýge itermeledi degen kúdikke ilindi.
Kúdikti Astana qalasy PD ýaqytsha ustaý izoliatoryna qamalǵan.
Qazirgi ýaqytta qylmystyq is boiynsha jedel-tergeý is-sharalary júrgizilip jatyr. Onyń basqa da qylmystarǵa qatysy bar-joǵy tekseriledi.
"QPK-niń 201-babyna sáikes tergeý múddesi úshin ózge aqparat jariia etýge jatpaidy.
Sonymen birge, Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik Kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi" - delingen habarlamada.
Eske salaiyq, Abylai Myrzahmetov 2013 jyldan beri "Atameken" UKP basqarma tóraǵasy, oǵan deiin 2007 jyldan "Atameken" odaǵy Qazaqstan Ulttyq ekonomikalyq palatasynyń basqarma tóraǵasy qyzmetin atqarǵan. Ol 2022 jylǵy aqpanda qyzmetinen ketken.
