Reseilik mikrobiolog antibiotiktiń nege bakteriiaǵa qarsy tura almai jatqanyn túsindirdi, dep habarlaidy "Ult aqparat" koronavirýsqa qarsy vedomstvoaralyq komissiiaǵa silteme jasap.
«Koronavirýstan kóz jumǵan naýqastardyń kópshiligi, COVID-19-dan emes, aýrýhanada juqtyrylǵan sýperinfektsiiadan qaityp jatyr. Onyń emi joq. Koronavirýspen aýyrǵan naýqastardyń bir ereksheligi - olardyń denesinde óte qaýipti sýperinfekt bakteriialardyń tez qalyptasýynda. Sonymen qatar, bul - dárilerge turaqtylyǵy joǵary, emdeý múmkindigi shekteýli shtamdar. Biz olardy jii anyqtap jatyrmyz», – deidi reseilik mikrobiolog Konstantin Severinov.
Dárigerdiń aitýynsha, sýperinfektsiianyń tabiǵaty virýstyq emes, bakteriialyq.
«Biz uzaq ýaqyt boiy jasandy tynys alý apparatynda bolǵan adamdarda paida bolatyn infektsiialar týraly aityp otyrmyz. Olardyń qozdyrǵyshy – kók irińdi taiaqsha. COVID-19 jaǵdaiynda bul ásirese aiqyn kórinedi. Naýqas adamdarǵa tynys alý qospasy beriledi, bul is júzinde ókpeni jasandy jeldetý bolyp tabylady» deidi mikrobiolog.
Eger aýrýhananyń ózindik patogendik mikroflorasy bolsa, demek ol tynys alý joldaryna da enedi.
Sonymen qatar, jasandy jeldetkishte jatqan adamdar únemi antibiotik qabyldaidy.
Jappai, ásirese epidemiianyń alǵashqy kezeńderinde COVID-19-dy emdeitin «qyzyl aimaqta» turaqty mikrobtardyń úlesi artqan. Odan bólek, aýrýhanadan tys jerlerde de turaqty mikrobtar jii kezdesýde.
