رەسەيلٸك ميكروبيولوگ انتيبيوتيكتٸڭ نەگە باكتەريياعا قارسى تۇرا الماي جاتقانىن تٷسٸندٸردٸ, دەپ حابارلايدى "ۇلت اقپارات" كوروناۆيرۋسقا قارسى ۆەدومستۆوارالىق كوميسسيياعا سٸلتەمە جاساپ.
«كوروناۆيرۋستان كٶز جۇمعان ناۋقاستاردىڭ كٶپشٸلٸگٸ, COVID-19-دان ەمەس, اۋرۋحانادا جۇقتىرىلعان سۋپەرينفەكتسييادان قايتىپ جاتىر. ونىڭ ەمٸ جوق. كوروناۆيرۋسپەن اۋىرعان ناۋقاستاردىڭ بٸر ەرەكشەلٸگٸ - ولاردىڭ دەنەسٸندە ٶتە قاۋٸپتٸ سۋپەرينفەكت باكتەرييالاردىڭ تەز قالىپتاسۋىندا. سونىمەن قاتار, بۇل - دەرٸلەرگە تۇراقتىلىعى جوعارى, ەمدەۋ مٷمكٸندٸگٸ شەكتەۋلٸ شتامدار. بٸز ولاردى جيٸ انىقتاپ جاتىرمىز», – دەيدٸ رەسەيلٸك ميكروبيولوگ كونستانتين سەۆەرينوۆ.
دەرٸگەردٸڭ ايتۋىنشا, سۋپەرينفەكتسييانىڭ تابيعاتى ۆيرۋستىق ەمەس, باكتەرييالىق.
«بٸز ۇزاق ۋاقىت بويى جاساندى تىنىس الۋ اپپاراتىندا بولعان ادامداردا پايدا بولاتىن ينفەكتسييالار تۋرالى ايتىپ وتىرمىز. ولاردىڭ قوزدىرعىشى – كٶك ٸرٸڭدٸ تاياقشا. COVID-19 جاعدايىندا بۇل ەسٸرەسە ايقىن كٶرٸنەدٸ. ناۋقاس ادامدارعا تىنىس الۋ قوسپاسى بەرٸلەدٸ, بۇل ٸس جٷزٸندە ٶكپەنٸ جاساندى جەلدەتۋ بولىپ تابىلادى» دەيدٸ ميكروبيولوگ.
ەگەر اۋرۋحانانىڭ ٶزٸندٸك پاتوگەندٸك ميكروفلوراسى بولسا, دەمەك ول تىنىس الۋ جولدارىنا دا ەنەدٸ.
سونىمەن قاتار, جاساندى جەلدەتكٸشتە جاتقان ادامدار ٷنەمٸ انتيبيوتيك قابىلدايدى.
جاپپاي, ەسٸرەسە ەپيدەمييانىڭ العاشقى كەزەڭدەرٸندە COVID-19-دى ەمدەيتٸن «قىزىل ايماقتا» تۇراقتى ميكروبتاردىڭ ٷلەسٸ ارتقان. ودان بٶلەك, اۋرۋحانادان تىس جەرلەردە دە تۇراقتى ميكروبتار جيٸ كەزدەسۋدە.
