Spýtnikten túsirilgen sýretterge sáikes, rekordtyq joǵary temperatýra saldarynan Antarktidadaǵy úlken muzdyqtyń bir bóligi opyrylyp tústi, dep habarlaidy QazAqparat Bloomberg saityna silteme jasap.
Aisberg S-38 dep tanylǵan Konger muzdyǵy Ýilks jeri mańynda qars aiyryldy. AQSh-tyń Ulttyq muz ortalyǵy keleńsiz jaǵdai týraly 17 naýryzda Konkordiia stansasynda temperatýra buryn-sońdy bolmaǵan 11 gradýs Farengeitke (Tselsii boiynsha -11,8) jetkennen keiin habarlady.
Onyń shamamen 1200 sharshy shaqyrym jerdi (496 sharshy mil) alǵany, al kólemi Los-Andjeleske teń bolǵany jáne aidyń ortasyndaǵy ystyq kún raiynyń sharyqtaý núktesine jetkendigi atap ótilýde, dep jazdy Tvitterde NASA ǵalymy Ketrin Kolello Ýoker.
Ǵalymdar mundai qubylystardyń klimattyń ózgerýine bailanysty jiilep ketkenin aityp otyr. Aqpanda teńiz muzynyń kólemi rekordtyq eń tómen kórsetkishke deiin azaiǵan.
