Túrkiianyń Antalia qalasynda týrister mingen avtobýs aýdaryldy. Onda negizinen reseilik saiahatshylar bolǵan, - dep habarlaidy kaz.tengritravel.kz portaly Demirören agenttigine silteme jasap.
Basylym málimetinshe, jol-kólik oqiǵasy Kemer ýeziniń Chamiýva aýdanynda bolǵan. Saiahatshylardy Demrege apara jatqan júrgizýshi kólik tizginin igere almai, joldan shyǵyp ketip, elektr jelisi ornatylǵan baǵanaǵa soqtyǵysqan.
Jol apaty saldarynan 11 týrist pen júrgizýshi zardap shekti, olar oqiǵa ornyna dereý jetken jedel járdem karetasymen aýrýhanaǵa jetkizildi.
Aita keteiik, osyǵan deiin sáýirdiń ortasynda Antalia qalasynyń aýmaǵynda amerikalyq týrister otyrǵan avtobýs aýdaryldy. Jergilikti BAQ málimetinshe, apat saldarynan jeti adam zardap shekken.
