Foto: kp.ru
24 qarasha, jeksenbi kúni Túrkiiada qoný jolaǵyna qonǵannan keiin reseilik «Azimýt» áýe kompaniiasyna tiesili Sukhoi Superjet 100 jolaýshylar ushaǵy órtendi. Ushaq Sochiden ushyp kelgen, dep habarlaidy «Interfaks».
Kýágerlerdiń aitýynsha, aldymen ushaqtyń qozǵaltqyshy otqa oranǵan, keiin jalyn ushaqtyń basqa bólikterine taraǵan.
Qazirgi ýaqytta órt sóndirildi, barlyq jolaýshylar men ekipaj músheleri úrmeli trap arqyly der kezinde evakýatsiialandy. Qaza tapqandar men zardap shekkender joq.
Mash Telegram-kanalynyń málimetinshe, qoný kezinde ushaqtyń sol qanaty ushý-qoný jolaǵyna soǵylǵan bolýy múmkin.
Áýe kompaniiasynyń aqparaty boiynsha, Superjet qoný kezinde qolaisyz aýa raiy jaǵdaiynda — qatty jańbyr men jeldiń saldarynan órtengen.
Oqiǵanyń sebebi boiynsha tergeý júrgizilýde. Áýe kompaniiasy keri reisti júzege asyrý úshin qosalqy ushaq daiyndap jatyr.
.jpg)