Foto: ashyq derekkóz
Ánshi Jasulan Bazarbaev «Kezdesý» podkastynda qonaq bolyp, kópshilikke qyzynyń densaýlyǵyna qatysty aýyr syryn bólisti, dep habarlaidy Ult.kz Massaget.kz saityna silteme jasap.
Óner iesi qyzyna «aýtizm» diagnozy qoiylǵanyn ashyq aityp, bul jaǵdaidy úlken ómirlik synaq retinde qabyldap júrgenin jetkizdi.
«Synaq deimiz, biraq dárigerlerdiń qatesi dep te oilaimyn. Óitkeni balany teksermedi. Ekpe salý úshin bala aýrýdan saý bolýy kerek qoi. Al meniń qyzym sol kezde aýyryp turǵan. Nege saldyrdy? Bir emes, eki jyl saldy. Árine, kúdiktenesiń. Múmkin odan emes shyǵar, biraq kúdigim áli seiilgen joq. Múmkin ózimnen boldy... Qazir toqtaýsyz emdetip jatyrmyz. Negizgi diagnoz — aýtizm. Jeti jarym jyl boiy em jasap kelemiz», — dedi ol.
Ánshi sondai-aq qyzyn mektepke jaqyn jerde ustaý úshin baspanasyn jalǵa berip, basqa úidi jaldap turyp jatqanyn aitty.
«Óz úiim bar, biraq bireýdiń úiin jaldap otyrmyn. Óitkeni qyzymnyń mektebi qasynda. Ol qinalmasyn, uzaq jol júrmesin dep. Keide synypqa kirmei qalatyny bar, keide aýrýy qozyp ketedi, keide basyn qabyrǵaǵa uryp qoiady. Sondai sátterde júgirip baryp alyp ketý úshin jaqyn jerde turamyz», — dedi ánshi.
Jasulan Bazarbaev qyzynyń saýlyǵy úshin kúresip júrgenin jáne ata-ana retinde mundai jaǵdaida sabyr men qoldaýdyń mańyzy zor ekenin aitty.
