فوتو: اشىق دەرەككٶز
ەنشٸ جاسۇلان بازارباەۆ «كەزدەسۋ» پودكاستىندا قوناق بولىپ, كٶپشٸلٸككە قىزىنىڭ دەنساۋلىعىنا قاتىستى اۋىر سىرىن بٶلٸستٸ, دەپ حابارلايدى Ult.kz Massaget.kz سايتىنا سٸلتەمە جاساپ.
ٶنەر يەسٸ قىزىنا «اۋتيزم» دياگنوزى قويىلعانىن اشىق ايتىپ, بۇل جاعدايدى ٷلكەن ٶمٸرلٸك سىناق رەتٸندە قابىلداپ جٷرگەنٸن جەتكٸزدٸ.
«سىناق دەيمٸز, بٸراق دەرٸگەرلەردٸڭ قاتەسٸ دەپ تە ويلايمىن. ٶيتكەنٸ بالانى تەكسەرمەدٸ. ەكپە سالۋ ٷشٸن بالا اۋرۋدان ساۋ بولۋى كەرەك قوي. ال مەنٸڭ قىزىم سول كەزدە اۋىرىپ تۇرعان. نەگە سالدىردى? بٸر ەمەس, ەكٸ جىل سالدى. ەرينە, كٷدٸكتەنەسٸڭ. مٷمكٸن ودان ەمەس شىعار, بٸراق كٷدٸگٸم ەلٸ سەيٸلگەن جوق. مٷمكٸن ٶزٸمنەن بولدى... قازٸر توقتاۋسىز ەمدەتٸپ جاتىرمىز. نەگٸزگٸ دياگنوز — اۋتيزم. جەتٸ جارىم جىل بويى ەم جاساپ كەلەمٸز», — دەدٸ ول.
ەنشٸ سونداي-اق قىزىن مەكتەپكە جاقىن جەردە ۇستاۋ ٷشٸن باسپاناسىن جالعا بەرٸپ, باسقا ٷيدٸ جالداپ تۇرىپ جاتقانىن ايتتى.
«ٶز ٷيٸم بار, بٸراق بٸرەۋدٸڭ ٷيٸن جالداپ وتىرمىن. ٶيتكەنٸ قىزىمنىڭ مەكتەبٸ قاسىندا. ول قينالماسىن, ۇزاق جول جٷرمەسٸن دەپ. كەيدە سىنىپقا كٸرمەي قالاتىنى بار, كەيدە اۋرۋى قوزىپ كەتەدٸ, كەيدە باسىن قابىرعاعا ۇرىپ قويادى. سونداي سەتتەردە جٷگٸرٸپ بارىپ الىپ كەتۋ ٷشٸن جاقىن جەردە تۇرامىز», — دەدٸ ەنشٸ.
جاسۇلان بازارباەۆ قىزىنىڭ ساۋلىعى ٷشٸن كٷرەسٸپ جٷرگەنٸن جەنە اتا-انا رەتٸندە مۇنداي جاعدايدا سابىر مەن قولداۋدىڭ ماڭىزى زور ەكەنٸن ايتتى.
