Ánshi Rústem Júginisovtiń ústinen is qozǵaldy

Foto: ashyq derekkóz

Astanadaǵy Ákimshilik quqyqbuzýshylyq jónindegi mamandandyrylǵan aýdanaralyq sottyń kestesinde ánshi Rústem Júginisovtiń aty paida boldy, dep habarlaidy Ult.kz "Za nami ýje vyehali" telegram arnasyna silteme jasap.

Belgili bolǵandai, ol týraly is tamyz aiynan beri qaralyp keledi.

Ákimshilik kodekstiń 453-babynyń 2-bóligi boiynsha «QR aýmaǵynda málimetter men materialdardy qamtityn mass-media ónimderin taratý, Qazaqstan Respýblikasynyń konstitýtsiialyq qurylysyn kúshtep ózgertýdi, tutastyǵyn buzýdy nasihattaýǵa nemese úgitteýge baǵyttalǵan, memleket qaýipsizdigine nuqsan keltirý, soǵys, áleýmettik, násildik, ulttyq, dini, tektik-toptyq jáne rýlyq arazdyqty qozdyrý, eger bul ic-áreketterde qylmystyq jazalanatyn áreket belgileri bolmasa, ekstremizmdi nemese terrorizmdi nasihattaý jáne aqtaý, sondai-aq terrorizmge qarsy operatsiialardy júrgizý kezeńinde olardyń tehnikalyq tásilderi men taktikasyn ashý» boiynsha jaýapkershilikke tartý qaralyp jatqany belgili boldy.

Jeke tulǵalar úshin jaza retinde 20 AEK (78 640 teńge) kóleminde aiyppul qarastyrylǵan.