Ánshi Ernar Aidar karantin rejimi buzǵany úshin ákimshilik jaýapkershilikke tartyldy, dep habarlaidy "Ult aqparat".
Qalalyq Politsiia departamentiniń baspasóz qyzmetiniń habarlaýynsha, 12 adam bir ǵimaratqa jinalyp utys oiynyn uiymdastyrǵan.
«Olardyń arasynda ánshi Ernar Aidar bar. Jinalǵandar onlain transliatsiia júrgizgen. Olardy Ekonomikalyq tergeý departamenti ustaǵan. Politsiia jinalǵandarǵa qatysty QR ÁqbK 476-babymen ákimshilik hattama toltyrdy. Is materialdary qazir aýdanaralyq ákimshilik sotqa jiberildi», - dedi Medeý aýdandyq Politsiia basqarmasy basshysy Bolat Totybaev.
Tótenshe jaǵdai rejimin buzǵandarǵa QR ÁqbK 476-baby boiynsha 10 AEK mólsherinde aiyppul jáne 15 táýlikke deiin qamaý jazasy qarastyrylǵan.
Aita ketý kerek, qazir Almatynyń politseileri áleýmettik jelige monitoring júrgizip jatyr.
Keshe vainerlerdiń biri - jelide «Zheka_Fatbelly» laqap atymen tanymal Jeńis Omarov ustaldy. Oǵan sot sheshimimen 10 AEK mólsherinde aiyppul salyndy. Ol dosyn úiine shaqyryp, shashyn aldyrǵan. Sol beinerolikti internetke júktegen.
Eske sala ketsek, munyń aldynda belgili ánshi Arman Qońyrbaev ta karantin rejimin buzǵany úshin jaýapkershilikke tartylǵan bolatyn. Ánshi Almatydaǵy meiramhanalardyń birine barǵan.
