Almaty politsiiasy ánshi Arman Qońyrbaevty karantin rejimin buzǵany úshin ustady, dep habarlaidy "Ult aqparat".
Politsiia Departamentiniń habarlaýynsha, ánshi túngi 1 shamasynda Abai kóshesindegi laýndj barlardyń birinde demalǵan.
«Júrgizilgen jedel sharalardyń arqasynda bul bar zańǵa qaishy jumys istep turǵany anyqtaldy. Bul mekemeniń esigi aiqara ashyq bolmaǵan. Ishine tek senimdi adamdardy kirgizgen. Solardyń biri Arman Qońyrbaev óziniń quqyqbuzýshylyq jasaǵanyn moiyndady. Bul derek boiynsha QR ÁqbK 476-babymen 10 adam ákimshilik jaýapkershilikke tartyldy. Onyń ishinde mekemeniń iesi 28 jastaǵy Júsipov te bar. Mamandandyrylǵan aýdanaralyq ákimshilik sotynyń sheshimimen Arman Qońyrbaev 10 AEK kóleminde ákimshilik aiyppul tóleitin boldy. Basqalary 5-15 táýlik aralyǵynda qamaýǵa alynady», - dedi qalalyq PD birinshi orynbasary Nurlan Almasbekov.
