الماتى پوليتسيياسى ەنشٸ ارمان قوڭىرباەۆتى كارانتين رەجيمٸن بۇزعانى ٷشٸن ۇستادى, دەپ حابارلايدى "ۇلت اقپارات".
پوليتسييا دەپارتامەنتٸنٸڭ حابارلاۋىنشا, ەنشٸ تٷنگٸ 1 شاماسىندا اباي كٶشەسٸندەگٸ لاۋندج بارلاردىڭ بٸرٸندە دەمالعان.
«جٷرگٸزٸلگەن جەدەل شارالاردىڭ ارقاسىندا بۇل بار زاڭعا قايشى جۇمىس ٸستەپ تۇرعانى انىقتالدى. بۇل مەكەمەنٸڭ ەسٸگٸ ايقارا اشىق بولماعان. ٸشٸنە تەك سەنٸمدٸ ادامداردى كٸرگٸزگەن. سولاردىڭ بٸرٸ ارمان قوڭىرباەۆ ٶزٸنٸڭ قۇقىقبۇزۋشىلىق جاساعانىن مويىندادى. بۇل دەرەك بويىنشا قر ەقبك 476-بابىمەن 10 ادام ەكٸمشٸلٸك جاۋاپكەرشٸلٸككە تارتىلدى. ونىڭ ٸشٸندە مەكەمەنٸڭ يەسٸ 28 جاستاعى جٷسٸپوۆ تە بار. مامانداندىرىلعان اۋدانارالىق ەكٸمشٸلٸك سوتىنىڭ شەشٸمٸمەن ارمان قوڭىرباەۆ 10 اەك كٶلەمٸندە ەكٸمشٸلٸك ايىپپۇل تٶلەيتٸن بولدى. باسقالارى 5-15 تەۋلٸك ارالىعىندا قاماۋعا الىنادى», - دەدٸ قالالىق پد بٸرٸنشٸ ورىنباسارى نۇرلان الماسبەكوۆ.
