«Áleýmettik meditsinalyq saqtandyrý qory» KeAQ meditsinalyq kómektiń sapasyn baqylaý departamentiniń direktory Lázzat Shomanova ekstrakorporaldy uryqtandyrýǵa (EKU) kvota berýden qandai jaǵdaida bas tartylatynyn túsindirdi, dep habarlaidy QazAqparat.
«Áielderge ekstrakorporaldy uryqtandyrýǵa kvota alýdan birneshe jaǵdaida bas tartylýy múmkin. Eger jatyrdyń nemese jatyr tútikteriniń týabitken nemese júre paida bolǵan anomaliialary, somatikalyq, onkologiialyq aýrýlar, emdeýdi qajet etetin jiti qabyný aýrýlary bolsa - kvota berilmeidi. Bul rette patsientter tirkelgen jeri boiynsha emhanaǵa júginedi. Eger dárigerler qarapaiym júktilik úshin barlyq emdik múmkindik taýsylǵanyn túsinse, onda áielderdi ekstrakorporaldy uryqtandyrýǵa jibere bastaidy», - dep túsindirdi Lázzat Shomanova.
Ol úshin bolashaq ana arnaiy tizimge tirkelýi kerek. Mamandar ony 12 ai boiy daiyndap, ózi tiisti qujattardy jinaýy qajet. Ol qujattar aimaqtyq komissiiaǵa jiberilip, kvota bólý máselesi qaralady.
«Qor EKU qyzmetin kórsetetin 19 meditsinalyq qyzmet jetkizýshimen shart jasasty, onyń 18-i – jeke menshiktiń ieliginde. Barlyq uiym ataýlary Qordyń internet-resýrstarynda kórsetilgen. Iaǵni kvota alǵysy keletin patsientter osy uiymdardyń kez kelgenin tańdai alady. Olardyń tańdaý quqyǵy saqtalǵan», - dedi Lázzat Shomanova.
