Memleket basshysy Qasym-Jomart Toqaevtyń bastamasymen qolǵa alynǵan «Ańsaǵan sábi» baǵdarlamasynyń aiasynda biyl 40 náreste dúniege kelgen, dep habarlaidy QazAqparat.
Bul týraly Densaýlyq saqtaý ministrligi Ana men bala densaýlyǵyn qorǵaý departamentiniń direktory Maǵripa Embergenova ortalyq kommýnikatsiialar qyzmetinde ótken brifingide aitty.
«10 qarashadaǵy jaǵdai boiynsha, «Ańsaǵan sábi» baǵdarlamasy boiynsha 6 myń emdelýshige ekouryqtandyrý jasaldy. Bul - búkil josparly kólemniń 84 paiyzy degen sóz. Taǵy 740 patsient osy baǵdarlamaǵa qatysyp bastady. 2000-nan astam júkti áiel esepke alyndy. Búgingi tańda atalǵan baǵdarlama boiynsha 40 náreste dúniege keldi», - dedi departament direktory.
Onyń aitýyna qaraǵanda, aldaǵy bes jylda «Ańsaǵan sábi» baǵdarlamasy boiynsha náreste súiý múmkindigi jyl saiyn 7000 jupqa berilmek.
«Deni saý ult» ulttyq jobasy aiasynda 2025 jylǵa deiin jyl saiyn bedeýligi rastalǵan 7000 jupqa mindetti meditsinalyq saqtandyrý aiasnyda «eko» jasatý qarastyrylǵan», - dedi Maǵripa Embergenova.
