مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان «اڭساعان سەبي» باعدارلاماسىنىڭ اياسىندا بيىل 40 نەرەستە دٷنيەگە كەلگەن, دەپ حابارلايدى قازاقپارات.
بۇل تۋرالى دەنساۋلىق ساقتاۋ مينيسترلٸگٸ انا مەن بالا دەنساۋلىعىن قورعاۋ دەپارتامەنتٸنٸڭ ديرەكتورى ماعريپا ەمبەرگەنوۆا ورتالىق كوممۋنيكاتسييالار قىزمەتٸندە ٶتكەن بريفينگٸدە ايتتى.
«10 قاراشاداعى جاعداي بويىنشا, «اڭساعان سەبي» باعدارلاماسى بويىنشا 6 مىڭ ەمدەلۋشٸگە ەكوۇرىقتاندىرۋ جاسالدى. بۇل - بٷكٸل جوسپارلى كٶلەمنٸڭ 84 پايىزى دەگەن سٶز. تاعى 740 پاتسيەنت وسى باعدارلاماعا قاتىسىپ باستادى. 2000-نان استام جٷكتٸ ەيەل ەسەپكە الىندى. بٷگٸنگٸ تاڭدا اتالعان باعدارلاما بويىنشا 40 نەرەستە دٷنيەگە كەلدٸ», - دەدٸ دەپارتامەنت ديرەكتورى.
ونىڭ ايتۋىنا قاراعاندا, الداعى بەس جىلدا «اڭساعان سەبي» باعدارلاماسى بويىنشا نەرەستە سٷيۋ مٷمكٸندٸگٸ جىل سايىن 7000 جۇپقا بەرٸلمەك.
«دەنٸ ساۋ ۇلت» ۇلتتىق جوباسى اياسىندا 2025 جىلعا دەيٸن جىل سايىن بەدەۋلٸگٸ راستالعان 7000 جۇپقا مٸندەتتٸ مەديتسينالىق ساقتاندىرۋ اياسنىدا «ەكو» جاساتۋ قاراستىرىلعان», - دەدٸ ماعريپا ەمبەرگەنوۆا.
