«Ańsaǵan sábi» baǵdarlamasynyń arqasynda 1307 otbasynda kópten kútken 1560 bala dúniege keldi. Bul týraly QR Densaýlyq saqtaý ministri Ajar Ǵiniiat aitty, dep habarlaidy QazAqparat.
«Prezidentimiz Qasym-Jomart Kemeluly bedeýlik saldarynan otbasylyq juptardyń 20 paiyzyy ajyrasyp jatqanyna, otbasylyq-demografiialyq jaǵdaiǵa alańdaýshylyq bildire otyryp, «Ańsaǵan sábi» arnaiy baǵdarlamasyn júzege asyrýdy tapsyrdy. Byltyr osy baǵdarlama arqyly 7 000 áielge qosalqy reprodýktivtik tehnologiialar qoljetimdi boldy. Nátijesinde 3 000-nan astam áiel júktilik boiynsha esepke alyndy. 1307 otbasynda kópten kútken 1560 bala dúniege keldi. Bul baǵdarlama «Deni saý ult» ulttyq jobasy sheńberinde 2025 jylǵa deiin jalǵasatyn bolady», - dedi Ajar Ǵiniiat Úkimet otyrysynda.
