«اڭساعان سەبي» باعدارلاماسىنىڭ ارقاسىندا 1307 وتباسىندا كٶپتەن كٷتكەن 1560 بالا دٷنيەگە كەلدٸ. بۇل تۋرالى قر دەنساۋلىق ساقتاۋ مينيسترٸ اجار عينييات ايتتى, دەپ حابارلايدى قازاقپارات.
«پرەزيدەنتٸمٸز قاسىم-جومارت كەمەلۇلى بەدەۋلٸك سالدارىنان وتباسىلىق جۇپتاردىڭ 20 پايىزىى اجىراسىپ جاتقانىنا, وتباسىلىق-دەموگرافييالىق جاعدايعا الاڭداۋشىلىق بٸلدٸرە وتىرىپ, «اڭساعان سەبي» ارنايى باعدارلاماسىن جٷزەگە اسىرۋدى تاپسىردى. بىلتىر وسى باعدارلاما ارقىلى 7 000 ەيەلگە قوسالقى رەپرودۋكتيۆتٸك تەحنولوگييالار قولجەتٸمدٸ بولدى. نەتيجەسٸندە 3 000-نان استام ەيەل جٷكتٸلٸك بويىنشا ەسەپكە الىندى. 1307 وتباسىندا كٶپتەن كٷتكەن 1560 بالا دٷنيەگە كەلدٸ. بۇل باعدارلاما «دەنٸ ساۋ ۇلت» ۇلتتىق جوباسى شەڭبەرٸندە 2025 جىلعا دەيٸن جالعاساتىن بولادى», - دەدٸ اجار عينييات ٷكٸمەت وتىرىسىندا.
