Qasym-Jomart Toqaevtyń Túrkiiaǵa memlekettik saparynyń ekinshi kúni túrik kásipkerleriniń Qazaqstanda iske asyryp jatqan iri investitsiialyq jobalarymen tanysýdan bastaldy, dep habarlaidy "Ult aqparat" Aqordanyń resmi saityna silteme jasap.
Qazaqstannyń Túrkiiadaǵy elshisi Erkebulan Sápiev arnaiy uiymdastyrylǵan kórmede Memleket basshysyna birlesken jobalar týraly aitty.
Prezidentke kaltsii qosylǵan soda óndiretin Yildirim Group, geologiialyq barlaý boiynsha Eczacibaşi Holding, meditsinalyq jáne respiratorlyq betperdeler shyǵaratyn MFA Maske, jelatin óndiretin Iskefe Holding, agroónerkásip taýarlaryn óndirýshi Tiryaki Holding, qurylys materialdaryn, meditsinalyq jabdyqtar men jihaz óndiretin YDA Group, Almaty qalasyndaǵy áýejaida jańa halyqaralyq terminaldyń qurylysyn júrgizip jatqan TAV Havalimanlari Holding, saýda ortalyǵynyń qurylysyn júrgizip jatqan Kayatürk Group, agroónerkásip ónimderin óndiretin Koç Holding, farmatsevtikalyq ónimderdi óndiretin Atabay Kimya Sanayi Ve Ticaret AS, sendvich panelderdi óndiretin Panelsan, qaǵaz ónimderin óndiretin Isiklar, geologiialyq barlaý jáne agroónimderdi óndiretin Çalik Holding, jemis-kókónis ónimderin óndiretin Goknur Gida kompaniialarynyń jobalary tanystyryldy.
