Túrkiia astanasy Ankarada «Elbasy – túrki yqpaldastyǵynyń sáýletshisi» taqyrybynda halyqaralyq konferentsiia ótip, Qazaqstan Táýelsizdiginiń mereitoiyna arnalǵan kórmeniń saltanatty ashylýy boldy, dep habarlaidy QazAqparat.
Is-sharaǵa Túrkiiadaǵy Qazaqstan Elshisi Abzal Saparbekuly, TÚRKSOI Bas hatshysy Dúisen Qaseiinov, Túrkiia Prezidentiniń bas keńesshisi Ialchyn Topchy jáne ózge elde elderdiń kórnekti qoǵam jáne saiasatkerleri qatysty. Qazaqstan Elshiligi men Kechioren aýdanynyń ákimdigi uiymdastyrǵan konferentsiia men kórme tarihi Estergon ǵimaratynda ótti.
Konferentsiia barysynda spikerler Nursultan Nazarbaevtyń búkil álemde beibitshilik pen turaqtylyq ornatýǵa qosqan úlesi, sonymen qatar túrki yqpaldastyǵyna qatysty bastamalary talqylandy. Olar Elbasyn qazirgi zamannyń Bilge qanaǵany dep atap ótip, N.Nazarbaevtyń jalpy bastamalary túrki áleminiń bolashaq urpaǵy úshin baǵa jetpes mura bolatyndyǵyna nazar aýdartty.
Alqaly jiyn barysynda sóz sóilegen Abzal Saparbekuly Túrkiia jaiynda aitqanda uly qolbasshysy ári reformator Mustafa Kemal Atatúrikti eske túsirsek, Qazaqstan jaiynda sóz qozǵaǵanda oiymyzǵa Elbasy túsetindigin atap ótti.
«Qazaqstan Respýblikasy Táýelsizdiginiń 30 jyldyǵy qarsańynda elimizdiń jetistikteriniń bastaýynda turǵan uly adam Nursultan Nazarbaev dep naqty aita alamyz», - dedi ol.
Al Túrkiia Prezidentiniń bas keńesshisi Ialchyn Topchý Qazaqstan halqyn Tuńǵysh Prezident kúnimen jáne Táýelsizdigimizdiń 30 jyldyq mereitoiymen quttyqtady. Sonymen qatar ol Qazaqstannyń túrki álemindegi jáne túrki elderi arasyndaǵy yqpaldastyq protsesterindegi róliniń mańyzdylyǵyna toqtaldy.
