Resmi Ankara 21-22 jeltoqsan kúnderi Astanada ótken Siriia kelissózderi boiynsha segizinshi kezeńniń nátijelerine oń baǵa berdi, dep habarlaidy Anadoly.
Túrkiianyń syrtqy ister ministrligi Siriiada zorlyqpen ustalyp otyrǵan adamdardy taraptardyń kelisimi boiynsha bosatý máseleleri jónindegi jumystardy da atap ótti. Mundai qadam Siriiadaǵy eki jaqty senimdilikti nyǵaitady, dep qosty Túrkiia SIM.
Sonymen qatar, vedomstvoda Astanadaǵy kezekti kezeń barysynda osy máseleler boiynsha pikir almasýlar men Idlibtegi «deskalatsiia aimaǵyndaǵy» shielenisti tómendetýge baǵyttalǵan jumystardyń jaqsy nátije berip jatqany týraly aityldy.
Siriia aimaǵyn minalardan tazartý jónindegi qujatty maquldaý máselesi de osy rette qarastyrylǵan.
2018 jyldyń 29-30 qańtaryna josparlanǵan Sochide jalǵasatyn dialog alańyna deiin, Túrkiia, Iran, Resei siiaqty kepilger elder ókilderiniń qatysýymen osy qalada aldyn ala otyrys ótedi.
