رەسمي انكارا 21-22 جەلتوقسان كٷندەرٸ استانادا ٶتكەن سيرييا كەلٸسسٶزدەرٸ بويىنشا سەگٸزٸنشٸ كەزەڭنٸڭ نەتيجەلەرٸنە وڭ باعا بەردٸ, دەپ حابارلايدى انادولى.
تٷركييانىڭ سىرتقى ٸستەر مينيسترلٸگٸ سيرييادا زورلىقپەن ۇستالىپ وتىرعان ادامداردى تاراپتاردىڭ كەلٸسٸمٸ بويىنشا بوساتۋ مەسەلەلەرٸ جٶنٸندەگٸ جۇمىستاردى دا اتاپ ٶتتٸ. مۇنداي قادام سيريياداعى ەكٸ جاقتى سەنٸمدٸلٸكتٸ نىعايتادى, دەپ قوستى تٷركييا سٸم.
سونىمەن قاتار, ۆەدومستۆودا استاناداعى كەزەكتٸ كەزەڭ بارىسىندا وسى مەسەلەلەر بويىنشا پٸكٸر الماسۋلار مەن يدليبتەگٸ «دەسكالاتسييا ايماعىنداعى» شيەلەنٸستٸ تٶمەندەتۋگە باعىتتالعان جۇمىستاردىڭ جاقسى نەتيجە بەرٸپ جاتقانى تۋرالى ايتىلدى.
سيرييا ايماعىن مينالاردان تازارتۋ جٶنٸندەگٸ قۇجاتتى ماقۇلداۋ مەسەلەسٸ دە وسى رەتتە قاراستىرىلعان.
2018 جىلدىڭ 29-30 قاڭتارىنا جوسپارلانعان سوچيدە جالعاساتىن ديالوگ الاڭىنا دەيٸن, تٷركييا, يران, رەسەي سيياقتى كەپٸلگەر ەلدەر ٶكٸلدەرٸنٸڭ قاتىسۋىمەن وسى قالادا الدىن الا وتىرىس ٶتەدٸ.
