Foto: ashyq derekkóz
Qazaqstannyń tuńǵysh prezidenti Nursultan Nazarbaevtyń kishi qaryndasy Anipa Nazarbaevaǵa tiesili kompaniia eldegi eń kóp salyq qaryzy barlar kompaniialardyń qataryna kirdi. Bul týraly Ult.kz aqparat agenttigi Tengrinews.kz portalyna silteme jasap habarlaidy.
Qarjy ministrligine qarasty Memlekettik kirister komitetiniń málimetinshe, kompaniianyń memleket aldyndaǵy qaryzy 92 milliard teńgeden asqan.
“2026 jyl 1 qańtardaǵy jaǵdai boiynsha “GROUP OF THE COMPANIES TDA” JShS-niń biýdjetke salyqtar men basqa da mindetti tólemder boiynsha bereshegi 92 307 598 000 teńge boldy”, – delingen habarlamada.
Kompaniia sotqa ózin bankrot dep taný týraly talap-aryz bergen. Qazirgi tańda bul is sotta qaralyp jatyr.
