Debbi Hiýitt Angliianyń Fýtbol qaýymdastyǵy basshysynyń qyzmetine 2022 jyldyń qańtarynan bastap kirisedi, ol uiym basshylyǵyndaǵy tuńǵysh áiel bolmaq, dep habarlaidy "Ult aqparat".
«Komissiia onyń biznes sektorlarynyń keń spektrinde tóraiym retindegi jáne basqarýdaǵy mol tájiribesin, sonymen qatar onyń osy qyzmetke qajetti tekserilgen kóshbasshylyq qabiletteri men harakterin moiyndaidy», - delingen Hiýitti osy qyzmetke taǵaiyndaǵan komissiia málimdemesinde. Onymen birge bul laýazymǵa 5 kandidat qarastyrylǵan.
FA Keńesine 2021 jyldyń 22 shildesinde bolatyn kelesi otyrysta jańa tóraiymdy resmi bekitý týraly usynys aitylady. Óziniń qyzmettik mindetterin oryndaýǵa Hiýitt hanym 2022 jyldyń qańtarynan bastap kirisedi. Qazirgi kezde Debbi Hiýitt Visa Europe, BGL Group, Moss Bros Group plc, The Restaurant Group plc, White Stuff Limited jáne Redrow Group plc-diń atqarýshy emes direktory qyzmetinde. Budan buryn Hiýitt hanym Ulybritaniianyń Koroldik avtoklýbynyń (RAC) atqarýshy direktory bolǵan.
