Foto: áleýmettik jelilerden
Angliianyń Joǵarǵy soty BTA Banki Direktorlar keńesiniń burynǵy basshysy Muhtar Ábliazovty 2012 jyldyń aqpanynda sotty qurmettemegeni úshin shyǵarǵan qamaýǵa alý týraly qaýlysyn uzartty. Bul týraly banktiń baspasóz qyzmeti habarlady.
"Qamaýǵa alý týraly qaýly Muhtar Ábliazovty Ulybritaniiaǵa kirgen jaǵdaida jazasyn óteý úshin politsiia organdaryna jáne/nemese sot qyzmetkerlerine tutqyndaýǵa jáne túrmege jiberýge nusqaý beretin qujat. Qujat eki jylǵa jaramdy, sodan keiin ol taǵy bir merzimge uzartylady. Bank qaýly merzimin uzartý boiynsha turaqty jumys júrgizip jatyr", - delingen habarlamada.
Tutqyndaý týraly bastapqy qaýlyny 2012 jyldyń 16 aqpanynda Angliianyń Joǵarǵy soty shyǵarǵan. Muhtar Ábliazov birneshe ret jalǵan aiǵaqtar berip, sotqa jalǵan qujattar usynǵan, olar arqyly aktivter men operatsiialar Bankten jasyrylǵan, sonymen qatar sot otyrystaryna kelmegen. Osyǵan bailanysty sot Muhtar Ábliazovty sotty qurmettemegeni úshin jalpy 22 aiǵa túrmege otyrǵyzý týraly qaýly shyǵardy.
"Qamaýǵa alý týraly sheshim Muhtar Ábliazovty onyń barlyq aktivterin tolyǵymen ashyp kórsetý, osy aktivterge qatysty kez kelgen áreketti toqtatý jáne sot sheshimin buza otyryp, jaýapker jumsap qoiǵan/satyp úlgergen barlyq aktivterdi qaitarý týraly sot buiryǵyn oryndaýǵa májbúrleýge baǵyttalǵan", - delingen habarlama mátininde.
