Foto: Andjelina Djoli Ýkrainada (facebook.com/DPSUkraine)
Jaqynda Ýkrainaǵa barǵan gollivýdtyq aktrisa Andjelina Djoli saparynan keiin alǵash ret bailanysqa shyqty. Ult.kz-tiń habarlaýynsha, ol bul týraly Instagram paraqshasynda jazǵan.
Jelide 16 millionǵa jýyq jazylýshysy bar aktrisa jańa jazbasynda Nikolaev pen Hersonda kórgen áserlerimen bólisti.
«Osy aptada men Nikolaev pen Hersonǵa baryp, maidan shebinde ómir súrip jatqan otbasylarmen kezdestim. Drondardan tónetin qaýip únemi seziledi, ol jaqta bolý qiyn. Aspandaǵy gýildi estip turasyń. Munda muny “adamdarǵa arnalǵan safaridei” deidi — drondar turǵyndardy baqylaý, qýalaý jáne qorqytý úshin paidalanylady. Bir sátte bizge dron basymyzdan ushyp ótkenshe kútýge týra keldi», — dep jazdy Djoli.
Aktrisanyń aitýynsha, jergilikti turǵyndar turaqty qaýip jaǵdaiynda ómir súrýge beiimdelip ketken – mektepter, emhanalar men balabaqshalar jerasty panalaryna kóshirilgen, al adamdar soǵan qaramastan berilmei, ómirin jalǵastyryp jatyr.
«Muny kórý aýyr, biraq sonymen qatar erekshe kúsh beredi. Kóp adam psihologiialyq aýyrtpalyq pen álem tarapynan umyt qalýdan qorqý sezimi týraly aitty», – dep qosty juldyz.
Sondai-aq Djoli álem úkimetterin Ýkrainadaǵy jáne beibit turǵyndar zardap shegip jatqan basqa elderdegi soǵystardy toqtatý úshin batyl qadamdar jasaýǵa shaqyrdy.
«Diplomatiia múmkindigi zor osyndai álemde Ýkraina, Sýdan, Gaiti, Iemen jáne basqa da kóptegen óńirlerdegi beibit turǵyndardyń kún saiyn zardap shegip jatqany túsiniksiz. Bilik ieleriniń bul qaqtyǵystardy toqtatyp, barlyq azamatty birdei qorǵaýǵa shamasy joqtai kórinedi. Men jergilikti uiymdar men eriktilerdiń erligine, adaldyǵyna jáne kásibiligine tántimin. Eger olar ózderinen kúsh taba alsa, úkimetter de dál solai isteýi tiis», – dedi aktrisa.
Eske salaiyq, 5 qarashada aktrisa, rejisser jáne BUU-nyń izgi niet elshisi Andjelina Djoli Ýkrainaǵa kelgeni týraly aqparat paida boldy.
