فوتو: اندجەلينا دجولي ۋكراينادا (facebook.com/DPSUkraine)
جاقىندا ۋكرايناعا بارعان گولليۆۋدتىق اكتريسا اندجەلينا دجولي ساپارىنان كەيٸن العاش رەت بايلانىسقا شىقتى. Ult.kz-تٸڭ حابارلاۋىنشا, ول بۇل تۋرالى Instagram پاراقشاسىندا جازعان.
جەلٸدە 16 ميلليونعا جۋىق جازىلۋشىسى بار اكتريسا جاڭا جازباسىندا نيكولاەۆ پەن حەرسوندا كٶرگەن ەسەرلەرٸمەن بٶلٸستٸ.
«وسى اپتادا مەن نيكولاەۆ پەن حەرسونعا بارىپ, مايدان شەبٸندە ٶمٸر سٷرٸپ جاتقان وتباسىلارمەن كەزدەستٸم. درونداردان تٶنەتٸن قاۋٸپ ٷنەمٸ سەزٸلەدٸ, ول جاقتا بولۋ قيىن. اسپانداعى گۋٸلدٸ ەستٸپ تۇراسىڭ. مۇندا مۇنى “ادامدارعا ارنالعان سافاريدەي” دەيدٸ — دروندار تۇرعىنداردى باقىلاۋ, قۋالاۋ جەنە قورقىتۋ ٷشٸن پايدالانىلادى. بٸر سەتتە بٸزگە درون باسىمىزدان ۇشىپ ٶتكەنشە كٷتۋگە تۋرا كەلدٸ», — دەپ جازدى دجولي.
اكتريسانىڭ ايتۋىنشا, جەرگٸلٸكتٸ تۇرعىندار تۇراقتى قاۋٸپ جاعدايىندا ٶمٸر سٷرۋگە بەيٸمدەلٸپ كەتكەن – مەكتەپتەر, ەمحانالار مەن بالاباقشالار جەراستى پانالارىنا كٶشٸرٸلگەن, ال ادامدار سوعان قاراماستان بەرٸلمەي, ٶمٸرٸن جالعاستىرىپ جاتىر.
«مۇنى كٶرۋ اۋىر, بٸراق سونىمەن قاتار ەرەكشە كٷش بەرەدٸ. كٶپ ادام پسيحولوگييالىق اۋىرتپالىق پەن ەلەم تاراپىنان ۇمىت قالۋدان قورقۋ سەزٸمٸ تۋرالى ايتتى», – دەپ قوستى جۇلدىز.
سونداي-اق دجولي ەلەم ٷكٸمەتتەرٸن ۋكرايناداعى جەنە بەيبٸت تۇرعىندار زارداپ شەگٸپ جاتقان باسقا ەلدەردەگٸ سوعىستاردى توقتاتۋ ٷشٸن باتىل قادامدار جاساۋعا شاقىردى.
«ديپلوماتييا مٷمكٸندٸگٸ زور وسىنداي ەلەمدە ۋكراينا, سۋدان, گايتي, يەمەن جەنە باسقا دا كٶپتەگەن ٶڭٸرلەردەگٸ بەيبٸت تۇرعىنداردىڭ كٷن سايىن زارداپ شەگٸپ جاتقانى تٷسٸنٸكسٸز. بيلٸك يەلەرٸنٸڭ بۇل قاقتىعىستاردى توقتاتىپ, بارلىق ازاماتتى بٸردەي قورعاۋعا شاماسى جوقتاي كٶرٸنەدٸ. مەن جەرگٸلٸكتٸ ۇيىمدار مەن ەرٸكتٸلەردٸڭ ەرلٸگٸنە, ادالدىعىنا جەنە كەسٸبيلٸگٸنە تەنتٸمٸن. ەگەر ولار ٶزدەرٸنەن كٷش تابا السا, ٷكٸمەتتەر دە دەل سولاي ٸستەۋٸ تيٸس», – دەدٸ اكتريسا.
ەسكە سالايىق, 5 قاراشادا اكتريسا, رەجيسسەر جەنە بۇۇ-نىڭ ٸزگٸ نيەت ەلشٸسٸ اندجەلينا دجولي ۋكرايناعا كەلگەنٸ تۋرالى اقپارات پايدا بولدى.
