Foto: Iandeks
Fýtboldan Qazaqstan jastar quramasy Andorralyqtardan jeńilip qalýyna bailanysty Qazaqstan fýtbol federatsiiasyna syn kúsheidi, dep habarlaidy Ult.kz.
GOAL KZ | Qazaq fýtboly instagram paraqshasynda qazirgi QFF basshylyǵy tusyndaǵy nátijelerdi qysqasha sipattap, bylai dep jazady:
- Aýtsaiderler qataryndaǵy Ali Aliev shaqyryldy, alaida ol Qazaqstan quramasymen irikteý tsiklin sátsiz ótkizdi.
- Fýtzal quramasy 20 jylda alǵash ret Eýropa chempionatyna óte almady.
- Federatsiia legionerlerge shekteý engizýdi josparlap otyr — bul sheshim eýrokýboktarda oinaityn QPL klýbtarynyń múmkindigin shekteidi. Onyń ústine, komandalarda orta eseppen 5–6 qazaqstandyq oiynshy ǵana bar.
- QFF qyzmetkerleriniń tym joǵary jalaqylaryna qatysty daý shyqty. BAQ dereginshe, Baltiev aiyna 5 mln teńge alady.
- QPL matchtarynyń transliatsiialarynda da úlken másele bar: beineniń sapasy men qaitalaýlar kóńil kónshitpeidi.
"Tarihtaǵy masqara jeńilis — sońǵy alty jyl boiy jeńiske jetpegen Andorradan utylý. Kórermenderdiń shydamy taýsylǵan sekildi. Búgin jastar quramasynan Andorraǵa jeńilgen soń, jankúierler KFF basshylyǵynyń otstavkasyn jappai talap ete bastady", - dep jazylǵan paraqshada.
Aita keteiik, Fýtboldan Qazaqstannyń 21 jasqa deiingi quramasy Eýropa chempionatynyń irikteýinde Andorradan 0:1 esebimen jeńilip qaldy.
Match qarsylastar alańynda ótken. Birinshi taim qos qurama da esep asha almai, úziliske 0:0 esebimen tarqasty. Al, ekinshi taimda buryshtan kóterilgen dopqa birinshi jetken Mark Rodriges Dýlat Talyspaev kúzetken qaqpadan sańlaý taýyp, jeńis golyn soqty.
Eýropadaǵy eń álsiz, iaǵni aýtsaider komanda sanalatyn Andorra komandasy toptyq kezeńde 5 oiyn ótkizip, sonyń tórteýinde jeńilgen bolatyn.
