فوتو: ياندەكس
فۋتبولدان قازاقستان جاستار قۇراماسى اندوررالىقتاردان جەڭٸلٸپ قالۋىنا بايلانىستى قازاقستان فۋتبول فەدەراتسيياسىنا سىن كٷشەيدٸ, دەپ حابارلايدى Ult.kz.
GOAL KZ | قازاق فۋتبولى instagram پاراقشاسىندا قازٸرگٸ قفف باسشىلىعى تۇسىنداعى نەتيجەلەردٸ قىسقاشا سيپاتتاپ, بىلاي دەپ جازادى:
- اۋتسايدەرلەر قاتارىنداعى الي اليەۆ شاقىرىلدى, الايدا ول قازاقستان قۇراماسىمەن ٸرٸكتەۋ تسيكلٸن سەتسٸز ٶتكٸزدٸ.
- فۋتزال قۇراماسى 20 جىلدا العاش رەت ەۋروپا چەمپيوناتىنا ٶتە المادى.
- فەدەراتسييا لەگيونەرلەرگە شەكتەۋ ەنگٸزۋدٸ جوسپارلاپ وتىر — بۇل شەشٸم ەۋروكۋبوكتاردا وينايتىن قپل كلۋبتارىنىڭ مٷمكٸندٸگٸن شەكتەيدٸ. ونىڭ ٷستٸنە, كوماندالاردا ورتا ەسەپپەن 5–6 قازاقستاندىق ويىنشى عانا بار.
- قفف قىزمەتكەرلەرٸنٸڭ تىم جوعارى جالاقىلارىنا قاتىستى داۋ شىقتى. باق دەرەگٸنشە, بالتيەۆ ايىنا 5 ملن تەڭگە الادى.
- قپل ماتچتارىنىڭ ترانسلياتسييالارىندا دا ٷلكەن مەسەلە بار: بەينەنٸڭ ساپاسى مەن قايتالاۋلار كٶڭٸل كٶنشٸتپەيدٸ.
"تاريحتاعى ماسقارا جەڭٸلٸس — سوڭعى التى جىل بويى جەڭٸسكە جەتپەگەن اندوررادان ۇتىلۋ. كٶرەرمەندەردٸڭ شىدامى تاۋسىلعان سەكٸلدٸ. بٷگٸن جاستار قۇراماسىنان اندورراعا جەڭٸلگەن سوڭ, جانكٷيەرلەر كفف باسشىلىعىنىڭ وتستاۆكاسىن جاپپاي تالاپ ەتە باستادى", - دەپ جازىلعان پاراقشادا.
ايتا كەتەيٸك, فۋتبولدان قازاقستاننىڭ 21 جاسقا دەيٸنگٸ قۇراماسى ەۋروپا چەمپيوناتىنىڭ ٸرٸكتەۋٸندە اندوررادان 0:1 ەسەبٸمەن جەڭٸلٸپ قالدى.
ماتچ قارسىلاستار الاڭىندا ٶتكەن. بٸرٸنشٸ تايم قوس قۇراما دا ەسەپ اشا الماي, ٷزٸلٸسكە 0:0 ەسەبٸمەن تارقاستى. ال, ەكٸنشٸ تايمدا بۇرىشتان كٶتەرٸلگەن دوپقا بٸرٸنشٸ جەتكەن مارك رودريگەس دۋلات تالىسپاەۆ كٷزەتكەن قاقپادان ساڭلاۋ تاۋىپ, جەڭٸس گولىن سوقتى.
ەۋروپاداعى ەڭ ەلسٸز, ياعني اۋتسايدەر كوماندا سانالاتىن اندوررا كومانداسى توپتىق كەزەڭدە 5 ويىن ٶتكٸزٸپ, سونىڭ تٶرتەۋٸندە جەڭٸلگەن بولاتىن.
