Sońǵy jyldary álem fýtbolynda erekshe qarqynmen tanylǵan jas oiynshylardyń biri – Lamin Iamal. Lamin Iamal álem fýtbolyn tańǵaldyrǵan jas juldyz, dep habarlaidy ult.kz.
Jeke ómiri
Jasyna qaramastan kásibi deńgeide senimdi óner kórsetip, jankúierler men sarapshylardyń nazaryn ózine aýdarǵan fýtbolshy búginde álemdegi eń daryndy talanttardyń qatarynda atalady.
Lamin Iamal Nasraýi Ebana 2007 jyldyń 13 shildesinde Ispaniianyń Kataloniia aimaǵyndaǵy Esplýges-de-Lobregat qalasynda dúniege kelgen. Onyń ákesi Marokkodan, al anasy Ekvatorlyq Gvineiadan shyqqan. Anasy 16 jasynda bosanǵan. Ákesi kósheden eski zattar jinaǵan. Iamal jáne Lamin esimdi dostary jas otbasyǵa kómektesip turǵan. Ákesi qurmet retinde ulynyń atyn solardyń esimimen qoiady.
Bolashaq fýtbolshy balalyq shaǵyn Barselona mańyndaǵy Mataro qalasynda ótkizip, óte erte jastan dop tebýge qyzyǵýshylyq tanytqan.
Jas kezinde kezdeisoq Messi onyń shomyldyryp, birge sýretke túsken.
«Lamin – keremet talantty fýtbolshy. Men ony únemi baqylap júremin, óitkeni ol men súietin klýbta oinaidy. Oǵan tek sáttilik tileimin. Nebári 19 jasynda ol álemdegi eń úzdik oiynshylardyń biri sanalady jáne onyń aldynda áli uzaq ári jarqyn mansap kútip tur. Shynymdy aitsam, bul eski sýret óte erekshe. Ómir degen qyzyq qoi: kezinde men onymen sábi kezinde sýretke tústim, al búgin ekeýmiz álem chempionatynda bir-birimizge qarsy turmyz», – dedi Messi.
Fýtbolǵa alǵashqy qadam
Iamal nebári jeti jasynda álemge áigili «Barselona» klýbynyń akademiiasy – «La Masiiaǵa» qabyldandy. Bul akademiiadan Lionel Messi, Andres Inesta, Havi syndy fýtbol ańyzdary shyqqan. Jas oiynshy akademiiadaǵy barlyq jas ereksheligi komandalarynda erekshe sheberligimen kózge túsip, jattyqtyrýshylardyń senimine ie boldy.
2023 jyly, nebári 15 jasynda Lamin Iamal «Barselonanyń» negizgi quramynda alǵashqy resmi oiynyn ótkizdi. Osylaisha ol klýb tarihyndaǵy eń jas debiýtanttardyń biri atandy. Onyń alańdaǵy batyldyǵy, jyldamdyǵy, qarsylasyn aldap ótý qabileti jáne dál pas berýi birden jankúierlerdiń yqylasyna bólendi.
Kóp uzamai Iamal Ispaniia ulttyq quramasyna shaqyrtý alyp, alǵashqy matchynda-aq gol soǵyp, el tarihyndaǵy eń jas gol avtory retinde rekord ornatty. Bul jetistik onyń halyqaralyq deńgeidegi úlken mansapqa daiyn ekenin kórsetti.
2024 jylǵy Eýropa chempionaty Lamin Iamaldyń juldyzyn burynǵydan da jarqyratty. Týrnir barysynda ol birneshe nátijeli pas berip, keremet gol soqty. Ispaniia quramasynyń chempion atanýyna eleýli úles qosqan jas fýtbolshy týrnirdiń eń úzdik jas oiynshysy atanyp, álemdik fýtboldyń jańa juldyzy retinde moiyndaldy.
Mamandardyń pikirinshe, Lamin Iamaldyń basty artyqshylyqtary – joǵary tehnika, oiyndy tez oqýy, batyl sheshim qabyldai bilýi jáne eki aiaǵymen de erkin oinaýy. Ol kóbine oń qaptalda shabýylshy retinde óner kórsetkenimen, qajet jaǵdaida basqa shabýyl shepterinde de tiimdi áreket ete alady.
Jas fýtbolshy búginde kóptegen balalar men jasóspirimderge úlgi bolyp otyr. Onyń eńbekqorlyǵy, tártibi jáne fýtbolǵa degen adaldyǵy úlken jetistikterge jetýdiń tek talantqa ǵana emes, úzdiksiz eńbekke de bailanysty ekenin dáleldeidi.
Lamin Iamaldyń mansaby endi ǵana bastalǵanymen, sarapshylar onyń aldaǵy jyldary álem fýtbolynyń basty juldyzdarynyń birine ainalatynyna senimdi. Ol qazirdiń ózinde birneshe tarihi rekordtyń iesi atanyp, «Barselona» men Ispaniia quramasynyń bolashaǵy retinde baǵalanyp keledi.
