Qazaqstandyq sportshy Anastasiia Gorodko fristail-mogýldan jastar arasyndaǵy álem chempiony atandy, dep habarlaidy "Ult aqparat".
Búgin Italiiada fristail-mogýldan jastar arasynda álem chempionatynyń sońǵy jarys kúni ótti. Qyzdar arasynda paralleldi mogýl boiynsha synǵa túsken otandasymyz jarys jeńimpazy boldy.
Sondai-aq, tuǵyrǵa 2 amerikalyq qyz kóterildi. Elizabet Lemli «kúmis» júldeger atansa, Elli Makýga qola medalǵa ie boldy. Fristail mogýldan barlyǵy 14 sportshy óner kórsetti.
Aita keterligi, bul - Anastasiia Gorodkonyń atalǵan álem birinshiligindegi úshinshi medali. Ol osyǵan deiin qyzdar arasynda jekelei saiys pen aralas (miks) sanaty boiynsha kúmis júldeni jeńip alǵan bolatyn.
