Atyraý oblystyq jedel járdem stansasynyń dárigeri Perizat Jangerova atyraýlyqtardy saqtyq sharalaryn saqtaýǵa shaqyra otyryp video joldady, dep habarlaidy QazAqparat.
Onyń aitýynsha, tańerteń aýysymdy qabyldaǵan soń arnaiy qorǵanysh kiimin kiedi. Shaqyrý smartfon arqyly túsedi.
«Koronavirýs bastalǵaly bizdiń ómirimiz ózgerdi. Birinshiden, otbasymyzdy saǵyndyq. Biz úige barmaimyz. Óitkeni, qaýipti indet bolǵandyqtan, ózimiz de ýaiymdaimyz. Anashymdy, əkeshimdi, baýyrlarymdy saǵyndym. Shyny kerek, maǵan týystarym telefon soǵyp, «bəri ótirik ǵoi» dep senbei jatady», - dedi dáriger.
Dáriger atyraýlyqtarǵa úiden shyqpaýdyń qajettigin aittty.
«Aýa jetpei qinalyp jatqan naýqastardy kórgende janyń ashidy, júregiń aýyrady. Qaýipti indettiń ortasynda júrgendikten, qorqynysh bolady. Biraq, halyqty oilaimyz. Úide otyraiyq, shydaiyq. Ózimiz úshin karantin talaptaryn, gigienany saqtaiyqshy» - dedi Atyraý oblystyq jedel jərdem stansasy №11 brigadasynyń dərigeri Perizat Jangerova.
