Búgin QR Memlekettik qyzmet isteri agenttiginiń tóraǵasy Anar Jailǵanova BUU Damý baǵdarlamasynyń Qazaqstandaǵy turaqty ókili Iakýp Berish myrzamen onlain-kezdesý ótkizdi. Bul jaily vedomstvonyń baspasóz qyzmeti habarlady.
Anar Jaiylǵanova BUU Damý baǵdarlamasymen yntymaqtastyq vedomstvo qyzmetiniń mańyzdy quramdas bóligi bolyp tabylatynyn atap ótip, agenttiktiń bastamalaryn qoldaǵany úshin alǵysyn jetkizdi.
«BUUDB qoldaýymen biyl memlekettik qyzmet kórsetý sapasyn qoǵamdyq monitoringileý, memlekettik qyzmetti etikalandyrýdyń halyqaralyq standarttaryn eskere otyryp, jańa Ádep kodeksiniń tujyrymdamasyn ázirleý, iQyzmet platformasynyń pilottyq nusqasyn ázirleý jáne basqa da jobalar iske asyrylýda», - dep atap ótti agenttik tóraǵasy.
Sondai-aq onlain kezdesý barysynda Anar Jaiylǵanova qyrkúiek aiynda Memleket basshysynyń Joldaýynda aitylǵan tapsyrmalardyń mańyzdylyǵyn atap ótip, agenttik osy baǵytta tiisti mehanizmder men tiimdi tásilderdi iske asyryp jatqanyn habarlady.
Agenttik basshylyǵymen jyl saiynǵy kezdesýlerdi nazarǵa ala otyryp, BUU DB-nyń Qazaqstandaǵy turaqty ókili Iakýp Berish Anar Jaiylǵanovaǵa joǵary senim men áriptestikke negizdelgen yntymaqtastyǵy úshin alǵys aityp, agenttiktiń ótken jylǵy qyzmetiniń negizgi baǵyttaryn iske asyrýdaǵy jetistikterin atap ótti.
Sonymen qatar, Iakýp Berish pandemiia kezinde Qazaqstannyń memlekettik apparatynyń saýatty jáne tiimdi jumysyn tilge tiek etti.
Sondai-aq, ol qazirgi ýaqytta memlekettik qyzmetterdi kórsetý sapasyna, rásimderine jáne qoljetimdiligine qyzmet alýshylardyń qanaǵattaný deńgeiine qoǵamdyq monitoring júrgizilip jatqanyn habarlady.
Áleýmettik zertteý nátijesinde barlyq memlekettik organdar men «Azamattarǵa arnalǵan úkimet» memlekettik korporatsiiasy kórsetetin 70 memlekettik qyzmettiń sapasy men qoljetimdiligine qatysty 9000 respondentpen saýalnama ótkiziletin bolady, onyń nátijeleri 2020 jylǵy jeltoqsanda jariialanady.
Sondai-aq, BUUDB ókili memlekettik qyzmetshilerdiń ádeptilik deńgeiin anyqtaý boiynsha 7000 respondent arasyndaǵy áleýmettik saýalnama týraly aityp berdi.
Zertteý nátijesinde halyqtyń, kásipkerlerdiń jáne saraptamalyq qoǵamdastyq ókilderiniń memlekettik qyzmetshilerdiń ádeptilik deńgeiin, onyń ishinde halyq pen kásipkerlerdiń memlekettik qyzmetshilerdiń qyzmettik jáne qyzmetten tys ýaqyttaǵy minez-qulqyna qanaǵattanýshylyǵyn qabyldaýy aiqyndalady.
Óz kezeginde agenttik dúniejúzilik banktiń qoldaýymen COVID-19 rejiminde jumys isteý boiynsha memlekettik qyzmetshilerge saýalnama júrgizdi. Qazaqstan boiynsha 32 myńnan astam memlekettik qyzmetshi saýalnamadan ótti. Saýalnama nátijelerin taldaý tiisti usynystardy ázirleýge qyzmet etedi.
Taraptar sondai-aq BUUDB qoldaýymen iske asyrylyp jatqan iQyzmet kadrlyq protsesterin avtomattandyrý boiynsha jobany talqylady, bul olardyń tiimdiligin aitarlyqtai arttyrýǵa baǵyttalǵan.
Osyǵan bailanysty BUUDB ókili mundai jobalar pandemiianyń teris saldaryn azaitý áleýetin nyǵaitý jónindegi uiymnyń basymdyqtarymen sáikes keletinin atap ótti.
Kezdesý qorytyndysy boiynsha agenttik tóraǵasy men BUUDB turaqty ókili memlekettik qyzmetti jetildirý jáne Qazaqstanda memlekettik qyzmet kórsetý sapasyn baqylaý máseleleri boiynsha, ásirese, pandemiia jaǵdaiynda memlekettik apparatty qoldaý sharalaryn ázirleýde odan ári tyǵyz yntymaqtastyqqa daiyn ekendikterin bildirdi.
