«Ońtústik Qazaqstan memlekettik pedagogikalyq ýniversiteti» kommertsiialyq emes aktsionerlik qoǵamynyń basqarma tóraiymy Anar Qaiyrbekova jumystan bosatyldy. Bul jaiynda QR Bilim jáne ǵylym ministrliginen málim etti, dep habarlaidy "Ult aqparat".
«Eńbek kodeksin, QR «Aktsionerlik qoǵamdar týraly« Zańyn jáne «OQMPÝ« KEAQ Jarǵysyn basshylyqqa ala otyryp, QR BǴM buiryǵymen 7 aqpanda Anar Qaiyrbekova qyzmetinen bosatyldy. Ókinishke orai, jumysty uiymdastyrý barysynda A. Qaiyrbekova tarapynan kemshilikterge jol berilip, QR Bilim jáne ǵylym ministrligimen belgilengen mindetter oryndalmaǵan. Bos laýazymǵa ornalasýǵa konkýrs qorytyndysy aiaqtalǵanǵa deiin prorektorlardyń biri basqarma tóraǵasynyń mindetin atqarýshy bolyp taǵaiyndaldy», - delingen ministrlik aqparatynda.
Eske sala ketsek, tamyz aiynda QR BǴM Ákimshilik jumys jáne memlekettik satyp alý departamentiniń direktory Anar Qaiyrbekova atalǵan vedomstvonyń jaýapty hatshysy Aryn Órsarievti, vitse-ministrler Rústem Biǵari men Fatima Jaqypovalardy qyzmet kórsetý týraly kelisimge qol qoiýda jemqorlyqqa jol berdi dep aiyptaǵan bolatyn.
