Buǵan deiin áleýmettik jelide avtobýsta jas qyz ben egde jastaǵy áieldiń janjaldasyp, keiin tóbelesip qalǵan sáti túsirilgen video taraǵan edi. Kadrlar jeli qoldanýshylary arasynda qyzý talqylanyp, oqiǵaǵa qatysty ártúrli pikir aityldy, dep habarlaidy ult.kz.
Alaida keiin oqiǵanyń tolyq nusqasy túsirilgen jańa video jariialandy. Egde jastaǵy áieldiń balasy anasynyń áreketin birjaqty baǵalamaýdy surap, oqiǵanyń bastapqyda taraǵan qysqa videoda tolyq kórsetilmegenin aitty.
Onyń sózinshe, áleýmettik jelige aldymen janjaldyń tek bir bóligi ǵana taraǵan. Sol sebepti kópshilik jaǵdaidyń qalai bastalǵanyn bilmei, egde áieldi kinálaǵan.
«Anamdy kinálamańyzdar, oqiǵa basqasha boldy. Ol kináli emes», – dep jazǵan ol.
Egde áieldiń balasy jeli qoldanýshylaryn oqiǵanyń tolyq videosyn kórip, mán-jaiyn túsinbei turyp taraptardyń birine qatysty naqty pikir bildirmeýge shaqyrdy.
Buǵan deiin taraǵan kadrlarda avtobýstyń ishinde eki jolaýshynyń sózge kelip, artynsha janjaldyń tóbeleske ulasqany kórinedi. Oqiǵaǵa kýá bolǵan adamdardyń biri de áleýmettik jelide jaǵdai týraly jazba jariialaǵan.
