Foto: ashyq derekkóz
Google kompaniiasy Google Classroom platformasyna tildik qoldaý kórsetip, sáýir aiynda tizimge qazaq tilin engizgenin resmi málimdedi. Bul – Oqý-aǵartý ministrligi Altynsarin akademiiasynyń júieli jumysynyń nátijesi, dep habarlaidy Ult.kz.
Google Classroom – 170 millionnan astam adam qoldanatyn álemdegi eń tanymal bilim berý platformalarynyń biri. Endigi tańda qazaq tilinde oqytatyn mektepter úshin jańa tsifrlyq igilikterdi paidalaný múmkindikteri paida boldy. Bul – elimizdiń oqýshylary men pedagogteri úshin tsifrlyq teń qoljetimdilikti qamtamasyz etýdegi mańyzdy qadam.
Qazaq tiline ótý úshin Google akkaýntynda parametrdi ózgertý jetkilikti – platforma interfeisi veb-nusqaǵa jáne mobildi qosymshaǵa avtomatty túrde beiimdeledi.
Esterińizge sala bolsaq, qańtarda Altynsarin akademiiasy Google jáne Microsoft-pen yntymaqtastyq týraly memorandýmǵa qol qoidy. Odan buryn Oqý-aǵartý ministri Ǵani Beisembaev álemdegi eń iri IT-kompaniialardyń ókilderimen kelissózder júrgizgen bolatyn. Google Classroom qazaqsha nusqasy – bilim berý salasyndaǵy zamanaýi tsifrlyq ekojúieni qurý jolyndaǵy alǵashqy qadam.
