Almaty oblysynyń Panfilov aýdandyq aýrýhanasynyń bas dárigeri Tóleý Sarpekov óz erkimen jumystan ketti.
Bul jóninde Almaty oblystyq Densaýlyq saqtaý basqarmasynyń basshysy Ómirzaq Niiazbekov málimdedi, dep habarlaidy QazAqparat.
«Panfilov aýdandyq aýrýhanasynyń bas dárigeri Tóleý Sarpekov óz erkimen densaýlyǵyna bailanysty jumystan ketti», - dedi Ó. Niiazbekov.
Basqarma basshysynyń aitýynsha, Sarpekovtyń jumystan ketýine jaqynda bolǵan ana men bala óliminiń qatysy joq.
«Ana men bala ólimine bailanysty saraptama qorytyndysy áli shyqqan joq», - dedi Ó. Niiazbekov.
Esterińizge sala keteiik, osydan eki apta buryn, iaǵni sáýir aiynda Jarkent perzenthanasynda ana men bala kóz jumdy. Úshinshi balasyn bosanýy tiis bolǵan Janar Baratovadan qan toqtamai, jas kelinshek kóz jumdy. Al osydan 10 ai buryn ǵana dál osy perzenthanaǵa bosanýǵa barǵan Balnur esimdi kelinshek sábiimen birge qaitys boldy.
