QR Mádeniet jáne sport ministri Arystanbek Muhamediuly zamanaýi qazaqstandyq mádenietti júzege asyrý, Naýryz meiramynyń sipatyna tyń serpilis berip jatqan «Rýhani jańǵyrý» baǵdarlamasy jóninde áńgimelep berdi.
— Kóktem men jańarýdyń, dostyq pen baýyrlastyqtyń merekesi – Naýryz meiramy da kelip jetti. Osy Ulystyń uly kúnin atap ótýdiń ózindik erekshelikterin qaita jańǵyrtý jaily aita ketseńiz.
— Ár ulttyń, memlekettiń óziniń tól merekesi bar. Egemendi el retinde tanylǵannan keiin, Elbasymyz Nursultan Ábishulynyń alǵashqy jarlyqtarynyń biri Naýryz meiramyn atap ótý boldy. Árine, ol kezdegi Naýryz merekesi men qazirgi kezdegi merekeni atap ótý salystyrýǵa kelmeidi. Qazirgi kezdegi Naýryz meiramynyń sipatyna tyń serpilis berip jatqan «Bolashaqqa baǵdar: rýhani jańǵyrý» baǵdarlamasy. Ózderińizge málim, bul ótken jylǵy Elbasynyń tarihi eńbegi. Kóbinese, bizde maqala dep aitady, al men óz basym muny tarihi eńbek dep aitar edim.
«Rýhani jańǵyrý» eńbeginen keiin halqymyzdyń óz tarihyna, keleshegine degen kózqarasy erekshe. Árine, eń bastysy, eldiń tatýlyǵy. Naýryz bizdiń qoǵamda birlik, turaqtylyq pen kelisim sekildi qundylyqtardyń nyǵaiýyna yqpal etip keledi. Biz damyǵan memleketter qoǵamdastyǵyna qarai qadam basýdamyz. Búgingi jetken jetistikterdiń kepili — Elbasynyń sarabdal saiasaty men el birliginiń, tatýlyq pen yntymaqtastyqtyń arqasy.
— Zamanaýi álemdegi básekelik qabilet – mádeniettiń de básekelik qabileti degen sóz. Osy turǵyda jahandaǵy zamanaýi qazaqstandyq mádenietti qalai júzege asyrýǵa bolady?
— Mádenieti órkendegen qoǵam ár ýaqytta ilgeri damidy. Búgingi tańda álemniń 20 elinde bizdiń mádeniet pen ádebiet ortalyqtarymyz ashyldy. Ulttyq mádeni ortalyqtar týraly aitatyn bolsaq, Astana qalasyndaǵy Ulttyq kitaphanaǵa kelýshiler qatary ósip, tól týyndylarymyzǵa qyzyǵýshylyq artty.
Sonymen qatar, Elbasy kótergen ulttyq sanany kóterýde arhiv salasynyń atqaratyn róli zor. Óitkeni búgingi kúni arhivter — halyq jadynyń saqtaýshysy ǵana emes, tarihi sanany qalyptastyrýdyń, patriottyq, rýhani tárbie berýdiń mańyzdy bir quraly. Sol sebepti, álemdegi ozyq úlgidegi Venetsiia memlekettik arhivi, Armeniianyń «Matenadaran» ejelgi jazbalar Institýty siiaqty ortalyqtardyń tájiribelerin qoldanyp, eldegi arhiv isi jańa serpin alady dep senemiz. Osy jerdegi týyndylardyń elektrondyq nusqalary satylymda, bul da ekonomikalyq turǵyda bir kómek bolyp otyr. Ortalyqtar arhivtik qyzmetten bólek, mýzei isine de kóp kóńil aýdarady.
— Suhbatyńyzǵa raqmet!
primeminister.kz
.jpg)