«Iýnis» daýylynan Amsterdam mańynda 3 adam qaza tapty, dep habarlaidy QazAqparat Euronews-ke silteme jasap.
Atalǵan eldiń qutqarý qyzmetine kelgen habarlamalar sany shekten tys ósken. Politsiia azamattardy úiden shyqpaýǵa shaqyryp, poiyz qozǵalysyn shektedi.
Sonymen qatyr «Iýnis» daýyly Belgiiadaǵy sońǵy otyz jyldaǵy eń kúshti daýyl retinde tirkelýde. Flandriiada aǵashtardyń qulaýy saldarynan birneshe adam aýyr jaraqat aldy.
Eldiń basqa bólikterinde tótenshe jaǵdailar qyzmeti apattan zardap shekkenderge kómek kórsetý úshin júzdegen qońyraý aldy.
