"Pervyi kanal "Evraziia" kadry
Amre sahnalyq atymen tanymal qazaqstandyq ánshi Ernar Sadyrbaev reseilik "Golos" shoýynyń onynshy maýsymynyń kezekti kezeńine sátti ótti, - dep habarlaidy Tengrinews.kz tilshisi.
"Jarǵa jyǵý" kezeńinde astanalyq ánshi shoýdy jalǵastyrý úshin Maksim Iýdin jáne Elina Panmen saiysty. Ernar Andrea Bochellidiń "Melodramma" ánin shyrqady.
Án sońynda tálimgerler úsh qatysýshynyń árqaisyna baǵa berdi.
"Ernar bul mýzykany jaqsy oryndap shyqty. Sizdi tyńdaý óte jaǵymdy, raqmet", - dedi Leonid Agýtin.
"Bochelli týraly aitsam... Karerasyn endi ǵana bastaǵan, áli jetilmegen vokalistiń nusqasyn tyńdaý óte qiyn. Notalardyń barlyǵyna derlik jaqsy tústiń. Túsinesiz be, jurt tań qalýy úshin bul týyndyda siz Bochelli nemese Pavarotti ia basqa bireý bolýyńyz kerek. Al ázirge óte ádemi jáne dál shyrqadyńyz, biraq stýdenttik aktsent bar", - dedi Aleksandr Gradskii.
Nátijesinde tálimger Dima Bilan úshtiktiń arasynan qazaqstandyqty tańdady.
