Baqytjan Saǵyntaevtyń Úkimet basshysy bolyp bekitilýi uzaq kútken jańalyq boldy. Kópshilik bórkin aspanǵa atyp, premerlikke qazaqi adam keldi dep qýandy. Kóp uzamai onyń orynbasary bolyp qazaq rýhaniiatynyń janashyry Imanǵali Tasmaǵanbetovtyń ornalasýy saiasi balshylar úshin tipten kútpegen jait boldy. Eks-premer-ministr men jańa-premer ministr Saǵyntaev úkimetinen ne kútýge bolady. Bul týraly saiasatker Ámirjan Qosanov Caravan.kz media-portalyna óz oiyn bildirdi.
- Saǵyntaev úkimetinen ne kútýge bolady, qandai jańalyq, qandai jaqsylyq?
- Árine, jeke adamnyń rolin múldem joqqa shyǵarýǵa bolmaidy, sondyqtan da Saǵyntaev úkimet basshysy retinde ózin jańasha qyrlarynan kórsete alatyn bolar. Saǵyntaev ekonomikanyń asa bir qiyn kezinde premer bop otyr. Kez kelgen daǵdarys sheshimdilik pen tabandylyqty talap etedi, kerek deseńiz, minez bolýy kerek! Jáne de ondai qimyl tanytýy úshin ol, árine, Elbasynan tikelei tapsyrma alýy tiis, ne onyń sózsiz qoldaýyna ie bolýy tiis. Onsyz onyń qolynan eshnárse de kelmeidi! Aldymen, úkimet buryn qabyldaǵan negizgi baǵdarlamlardy qaita qaraýy kerek. Onyń ishinde bosqa qarjy shashýdy qajet etetinderi barshylyq. Onsyz eshqandai da ózgeris ne jańalyq bolmaidy. Jalpy alǵanda, osy taǵaiyndalǵan úkimet maǵan «ýaqytsha úkimet» sekildi kórinip tur. Bárin taiaý ýaqyt kórseter...
- Orynbasary retinde Imanǵali Tasmaǵanbetovtyń bekitilýi neni bildiredi?
- Tasmaǵambetov ózin naqty nátijege jete alatyn daǵdarys-menedjer retinde tanytyp keledi. Al úkimettiń dál osy salasy – gýmanitarlyq jáne áleýmettik máseleler – bizde kópten beri laiyqty vitse-premerge jarymai-aq qoidy. Bul salada birizdilik joq, daýly máseleler kóbeiip ketti, olardyń ózi halyqtyń narazylyǵyn týǵyzyp, biliktiń bedeline orasan zor nuqsan keltirip otyr. Tasmaǵabetovtyń vitse-premer bop taǵaiyndalýy da ózinshe bir qyzyq jait, óitkeni ol úkimetti de basqara alatyn qairatker emes pe? Menińshe, Elbasy ony aqsap turǵan osy baǵytty túzep, tártip ornatyp, bir jónge keltirý úshin ǵana jiberip otyrǵan joq, bul ózi tereń taldaýdy qajet etetin taǵaiyndaý.
- Úsh tuǵyrly til reformasyn engizý endi jalǵasa ma, álde bir sheshimge kelýge yqpal jasala ma?
- «Úsh tuǵyrly til» baǵdarlamasyna, ásirese, onyń memlekettik tilge tigizer ziianyna qatysty el tarapynan syn kóp. Bálkim, Imekeńniń kelýi osy máseleniń oń sheshilýine óz septigin tigizer. Shet tilderin oqý kerek, biraq ol qazaq tiliniń esebinen júrgizilmeýi tiis!
- Memlekettik til máselesi qandai dárejede bolady?
- Úkimettiń aýysýy memlkettik til máselesine týra ásere etip, túbegeili ózgeris engizedi degenge sený qiyn, óitkeni til máselesi – jalpy saiasi mańyzy bar másele, oǵan Aqordanyń ózi bilek sybana kirispese, eshteńe de ózgermeidi.
- Másimov úkimeti kezinde sap tiylǵan kóshi-qon endi qaita jandanýy múmkin be?
- Kóshi-qon máselesininń eki jaǵy bar, biri – Elbasy tarapynan saiasi erik-jiger bolýy tiis, ekinshisi – qarjylyq-uiymdastyrý múkinshilikteri. Osy ekeýi bilikten qoldaý tapsa, jaǵdai jaqsaýry tiis.
