QR Prezidenti Is basqarmasynyń Meditsinalyq ortalyǵy aýrýhanasynyń direktory Ámir Amantaiuly Ahetovtiń ólimine qatysty qylmystyq is qozǵaldy. Bul týraly búgin Úkimet otyrysynan keiin QR Ishki ister ministri Qalmuhanbet Qasymov aitty, dep habarlaidy "QazAqparat".
«Atalǵan ólim faktisi boiynsha qylmystyq is qozǵadyq. Onyń denesine jaraqattar bar. Sebebin artynan anyqtaityn bolamyz», - dedi Q.Qasymov.
Esterińizge sala ketsek, QR Prezidenti Is basqarmasynyń Meditsinalyq ortalyǵy aýrýhanasynyń direktory Ámir Ahetov 3 aqpanda kóz jumdy.
Ámir Amantaiuly meditsina ǵylymdarynyń doktory, QR Ulttyq ǵylym akademiiasynyń qurmetti múshesi, Resei Jaratylystaný ǵylymdary akademiiasynyń professory boldy. Ol 2017 jyly ǵalymdar tobynyń quramynda uzaq ómir súrý jolyndaǵy ázirlemesi úshin ǵylym men tehnika salasyndaǵy ál-Farabi atyndaǵy Qazaqstan Respýblikasynyń memlekettik syilyǵyn ielendi.
