قر پرەزيدەنتٸ ٸس باسقارماسىنىڭ مەديتسينالىق ورتالىعى اۋرۋحاناسىنىڭ ديرەكتورى ەمٸر امانتايۇلى احەتوۆتٸڭ ٶلٸمٸنە قاتىستى قىلمىستىق ٸس قوزعالدى. بۇل تۋرالى بٷگٸن ٷكٸمەت وتىرىسىنان كەيٸن قر ٸشكٸ ٸستەر مينيسترٸ قالمۇحانبەت قاسىموۆ ايتتى, دەپ حابارلايدى "قازاقپارات".
«اتالعان ٶلٸم فاكتٸسٸ بويىنشا قىلمىستىق ٸس قوزعادىق. ونىڭ دەنەسٸنە جاراقاتتار بار. سەبەبٸن ارتىنان انىقتايتىن بولامىز», - دەدٸ ق.قاسىموۆ.
ەستەرٸڭٸزگە سالا كەتسەك, قر پرەزيدەنتٸ ٸس باسقارماسىنىڭ مەديتسينالىق ورتالىعى اۋرۋحاناسىنىڭ ديرەكتورى ەمٸر احەتوۆ 3 اقپاندا كٶز جۇمدى.
ەمٸر امانتايۇلى مەديتسينا عىلىمدارىنىڭ دوكتورى, قر ۇلتتىق عىلىم اكادەميياسىنىڭ قۇرمەتتٸ مٷشەسٸ, رەسەي جاراتىلىستانۋ عىلىمدارى اكادەميياسىنىڭ پروفەسسورى بولدى. ول 2017 جىلى عالىمدار توبىنىڭ قۇرامىندا ۇزاق ٶمٸر سٷرۋ جولىنداعى ەزٸرلەمەسٸ ٷشٸن عىلىم مەن تەحنيكا سالاسىنداعى ەل-فارابي اتىنداعى قازاقستان رەسپۋبليكاسىنىڭ مەملەكەتتٸك سىيلىعىن يەلەندٸ.
