Qazaqstannyń halyq artisi, Memlekettik syilyqtyń laýreaty, kino jáne teatr qairatkeri Áminá Ómirzaqovanyń 100 jyldyq mereitoiy IýNESKO kóleminde toilanatyn boldy.
QR Mádeniet jáne sport ministrliginiń qoldaýymen el tarihynda tuńǵysh ret Áminá Ómirzaqovanyń 100 jyldyǵyna orai, IýNESKO kóleminde toilaý, eske alý sharalary ótedi.
Áminá Erqojaqyzy 1949 jyldan ómiriniń sońyna (26.09.2006 j.) deiin, jarty ǵasyrdan astam ýaqyt Ǵ.Músirepov atyndaǵy Qazaq memlekettik akademiialyq balalar men jasóspirimder teatrynda qyzmet etti. Kóptegen kinofilmder men teatr qoiylymdaryndaǵy talǵampaz beineleri arqyly, halyq qalaýlysyna, el ardaǵyna ainalǵan, Ulttyq ónerimizde esimi el esinde jattalǵan – Áminá Ómirzaqovanyń týǵanyna 2019 jyldyń 8 naýryzynda 100 jyl tolady.
Aita ketsek, Áminá Ómirzaqova 1919 jyly 8 naýryzda Shyǵys Qazaqstan (burynǵy Semei) oblysynyń Abai aýdanynda ómirge kelgen.
1938 jyly Leningrad qalasyndaǵy Teatr institýtyn bitiredi de, ónerdegi alǵashqy eńbek jolyn Shymkent oblystyq drama teatryna joldamamen qyzmetke kelýden bastaidy.
Á. Ómirzaqova qazaq teatr sahnasynda 68 jyl boiy qyzmet etti. Sol ýaqyt ishinde 150-dei róldi somdady.
Áminá Ómirzaqovanyń kino salasyna sińirgen eńbegi de ushan-teńiz. Ol túsken 20 shaqty kinofilm qazaq jurtyna keńinen tanys.
Áminá Erqojaqyzy Ómirzaqova 2006 jyldyń 26 qyrkúieginde ómirden ozdy.
