Amerikalyq Perseverance roveri Mars betine sátti qondy. Qoný sáti AQSh aeroǵarysh agenttigi (NASA) saitynda tikelei efirde kórsetildi. Ǵalamshar betinde júre alatyn kólik tirshilik belgilerin izdep kóredi jáne topyraq úlgilerin jinaidy. Ol úlgiler keiin Jerge jetkiziledi.
Qoný sáti shamamen jeti minýtqa sozyldy. Apparat Mars betine parashiýtpen túsip, qonǵan sátte alǵashqy sýretin túsirdi.
Roverdiń Qyzyl ǵalamshardaǵy basty mindeti – bakteriia tirshiliginiń belgisin izdeý. Ǵalymdardyń pikirinshe, Marsta 3-4 million jyl buryn, iaki ǵalamsharda sý bar kezde tirshilik turǵan bolýy yqtimal.
Rover Týitterde ashylǵan paraqshasynda «Sálem, álem. Men óz mekenimde alǵash mynalardy kórdim», - dep jazyp, Mars betinen túsirilgen sýretti jariialady.
Sondai-aq ol Ezero krateriniń kadryn da jariialady. Eki beine de jańa apparattyń planetadan túsirip joldaǵan alǵashqy sýreti.
Marsqa qoný óte qiyn. Aiǵa qaraǵanda onda sirek atmosfera bar. Mundaǵy missiialardyń tek 40%-y ǵana sátti aiaqtalady.
Amerikalyq Perseverance roverin Atlas-5 zymyran-tasyǵyshy AQSh-tyń Kanaveral múiisindegi ǵarysh ailaǵynan 2020 jyldyń 30 shildesinde alyp ushty. Jarty jyl ishinde ǵarysh kemesi Jerden Marsqa deiin shamamen 500 million shaqyrymdy ushyp ótti.
Qurylǵy "Mars-2020" missiiasy aiasynda ǵalamsharda 700 táýlik (Jer ýaqytymen) jumys isteidi.
Perseverance (Perseverans) – osy aida Marsqa kelgen úshinshi ǵarysh apparaty. Buǵan deiin planetanyń orbitasyna BAÁ men Qytai roboty ushyp jetti. Úsh missiia da Jerden 2020 jyldyń shildesinde attanǵan.
Qytai zondy Mars orbitasyna 10 aqpan kúni jetken. Apparat ǵalamshar betine mamyrdyń sońynda túsirilmek. Qytailyq ǵalymdar missiia Marsqa adam jiberý múmkindigin zertteýge múmkindik beredi dep úmittenedi.
Qytai zondynan bir kún buryn Mars orbitasyna Birikken Arab Ámirlikteriniń "Al-Amal" ("Úmit") deitin spýtnigi jetken. Spýtnik byltyr jazda ushyrylǵan. Onyń missiiasy – ǵalamshardyń atmosferasyn, klimat jaǵdaiyn, jyl maýsymdaryn zertteý.
