امەريكالىق Perseverance روۆەرٸ مارس بەتٸنە سەتتٸ قوندى. قونۋ سەتٸ اقش اەروعارىش اگەنتتٸگٸ (NASA) سايتىندا تٸكەلەي ەفيردە كٶرسەتٸلدٸ. عالامشار بەتٸندە جٷرە الاتىن كٶلٸك تٸرشٸلٸك بەلگٸلەرٸن ٸزدەپ كٶرەدٸ جەنە توپىراق ٷلگٸلەرٸن جينايدى. ول ٷلگٸلەر كەيٸن جەرگە جەتكٸزٸلەدٸ.
قونۋ سەتٸ شامامەن جەتٸ مينۋتقا سوزىلدى. اپپارات مارس بەتٸنە پاراشيۋتپەن تٷسٸپ, قونعان سەتتە العاشقى سۋرەتٸن تٷسٸردٸ.
روۆەردٸڭ قىزىل عالامشارداعى باستى مٸندەتٸ – باكتەرييا تٸرشٸلٸگٸنٸڭ بەلگٸسٸن ٸزدەۋ. عالىمداردىڭ پٸكٸرٸنشە, مارستا 3-4 ميلليون جىل بۇرىن, ياكي عالامشاردا سۋ بار كەزدە تٸرشٸلٸك تۇرعان بولۋى ىقتيمال.
روۆەر تۋيتتەردە اشىلعان پاراقشاسىندا «سەلەم, ەلەم. مەن ٶز مەكەنٸمدە العاش مىنالاردى كٶردٸم», - دەپ جازىپ, مارس بەتٸنەن تٷسٸرٸلگەن سۋرەتتٸ جارييالادى.
سونداي-اق ول ەزەرو كراتەرٸنٸڭ كادرىن دا جارييالادى. ەكٸ بەينە دە جاڭا اپپاراتتىڭ پلانەتادان تٷسٸرٸپ جولداعان العاشقى سۋرەتٸ.
مارسقا قونۋ ٶتە قيىن. ايعا قاراعاندا وندا سيرەك اتموسفەرا بار. مۇنداعى ميسسييالاردىڭ تەك 40%-ى عانا سەتتٸ اياقتالادى.
امەريكالىق Perseverance روۆەرٸن اتلاس-5 زىمىران-تاسىعىشى اقش-تىڭ كاناۆەرال مٷيٸسٸندەگٸ عارىش ايلاعىنان 2020 جىلدىڭ 30 شٸلدەسٸندە الىپ ۇشتى. جارتى جىل ٸشٸندە عارىش كەمەسٸ جەردەن مارسقا دەيٸن شامامەن 500 ميلليون شاقىرىمدى ۇشىپ ٶتتٸ.
قۇرىلعى "مارس-2020" ميسسيياسى اياسىندا عالامشاردا 700 تەۋلٸك (جەر ۋاقىتىمەن) جۇمىس ٸستەيدٸ.
Perseverance (پەرسەۆەرانس) – وسى ايدا مارسقا كەلگەن ٷشٸنشٸ عارىش اپپاراتى. بۇعان دەيٸن پلانەتانىڭ وربيتاسىنا باە مەن قىتاي روبوتى ۇشىپ جەتتٸ. ٷش ميسسييا دا جەردەن 2020 جىلدىڭ شٸلدەسٸندە اتتانعان.
قىتاي زوندى مارس وربيتاسىنا 10 اقپان كٷنٸ جەتكەن. اپپارات عالامشار بەتٸنە مامىردىڭ سوڭىندا تٷسٸرٸلمەك. قىتايلىق عالىمدار ميسسييا مارسقا ادام جٸبەرۋ مٷمكٸندٸگٸن زەرتتەۋگە مٷمكٸندٸك بەرەدٸ دەپ ٷمٸتتەنەدٸ.
قىتاي زوندىنان بٸر كٷن بۇرىن مارس وربيتاسىنا بٸرٸككەن اراب ەمٸرلٸكتەرٸنٸڭ "ال-امال" ("ٷمٸت") دەيتٸن سپۋتنيگٸ جەتكەن. سپۋتنيك بىلتىر جازدا ۇشىرىلعان. ونىڭ ميسسيياسى – عالامشاردىڭ اتموسفەراسىن, كليمات جاعدايىن, جىل ماۋسىمدارىن زەرتتەۋ.
